- 2021-05-17 08:55:00
- ចម្រៀង
ចម្រៀងប្រពៃណីដ៏ចំណាស់១បទ ត្រូវបានគេចែកចាយ ស្របពេលតារាជើងចាស់ ណយ សំណាង ធ្លាក់ខ្លួនឈឺធ្ងន់
- 2021-05-17 08:55:00
- ចំនួនមតិ 0 | ចំនួនចែករំលែក 0
ចម្រៀងប្រពៃណីដ៏ចំណាស់១បទ ត្រូវបានគេចែកចាយ ស្របពេលតារាជើងចាស់ ណយ សំណាង ធ្លាក់ខ្លួនឈឺធ្ងន់
ចន្លោះមិនឃើញ
តារាចម្រៀងប្រពៃណី អាយ៉ៃ និងជាតារាសម្ដែងស្រីជើងចាស់ ណយ សំណាង កំពុងស្ថិតនៅដំណាក់កាលសង្គ្រោះបន្ទាន់ នៅមន្ទីរមិត្តភាពខ្មែរ-សូវៀតនៅឡើយ បន្ទាប់ពីលោកស្រីត្រូវបានគេរកឃើញថាវិជ្ជមានជំងឺកូវីដ-១៩ កាលពីថ្ងៃទី១៤ ខែឧសភា។
ទន្ទឹមគ្នានេះមិត្ដសិល្បៈ និងសាច់ញាតិ បានបង្ហាញការអាណិតអាសូរចំពោះលោកស្រី ហើយបានជូនពរលោកស្រីឲ្យឆាប់ជាសះស្បើយពីជំងឺផ្លូវដង្ហើមមួយនេះ។ ជាក់ស្ដែងគណនីFacebook ឈ្មោះ សូរសៀង ដូរ្យតន្ត្រី បានបង្ហោះវីដេអូបទចម្រៀងប្រពៃណី១បទក្រោមចំណងជើងថា"រំពៃនឹកបង"ដែលច្រៀងដោយលោកស្រី ណយ សំណាង។
សូរសៀង ដូរ្យតន្ត្រី៖"បទរំពៃនឹកបង លំនាំបទ សារិកាកែវ ច្រៀងដោយលោកយាយ ណយ សំណាង កូនសិស្ស នាយ សង្ហាផន នាង សារីយ៉ា ជូនពរលោកយាយ ឆាប់ជាពីកូវីដ"។
តារាជើងចាស់ ណយ សំណាង ទទួលបានការគោរព និងកោតសរសើរពីមជ្ឈដ្ឋានទូទៅថាលោកស្រីពិតជាមានទេពកោសល្យខាងសម្ដែងផង និងច្រៀងផង។ បច្ចុប្បន្នលោកស្រី កំពុងសម្រាក និងព្យាបាលជំងឺកូវីដ-១៩ នៅមន្ទីរពេទ្យមិត្តភាពខ្មែរ-សូវៀត ហើយមានកូនប្រុសបង្កើតរបស់លោកស្រីម្នាក់ គឺលោក វណ្ណា ស័ក្ដិ កំពុងជួយមើលថែលោកស្រីបន្ថែមលើការខិតខំប្រឹងប្រែងព្យាបាលពីសំណាក់គ្រូពេទ្យជំនាញចាប់តាំងពីថ្ងៃទី១៥ ខែឧសភា ឆ្នាំ២០២១ មក៕
