តារាសម្ដែង និងម៉ូដែល Dylan Wang បាន​សាង​កេរ្តិ៍ឈ្មោះ​ខ្ពស់​យ៉ាង​ត្រដែត​លើ​វិស័យ​សិល្បៈ​ផ្នែក​សម្ដែង​ ក្រោយ​ចាប់អាជីព​នេះ​តាំង​ពីឆ្នា ២០១៧មក។

ភាពល្បីល្បាញ​ដែល​ Dylan ទទួល​បាន​ខ្ពស់​បែប​នេះកើតឡើង​ក្រោយពេល​លោក​សម្ដែងរឿង «Meteor Garden» ហើយ​វា​ក៏​ក្លាយជាផ្លូវដែល​នាំលោក​កាន់​តែ​ជោគជ័យ​ឡើងៗក្នុង​ពិភពនេះ។ ដូចនេះ​ ក៏ដល់ពេល​បង្ហាញ​នូវ​ចំណុច​សំខាន់​ផ្សេង​ៗរបស់​តារា​ប្រុស​ឈ្មោះ​ដើម Wang Hedi នេះ​ដែរ។

១. Dylan Wang កើតនៅ​ថ្ងៃទី ២០ ខែធ្នូ ឆ្នាំ១៩៩៨ ក្នុង​ស្រុក Leshan, ខេត្ត Sichuan ប្រទេស​ចិន។

២. តារានិកររបស់ Dylan គឺ Sagittarius និង​កើតឆ្នាំ ខាល

៣. លោកបាន​សិក្សានៅមហាវិទ្យាល័យ  Sichuan Southwest College of Civil Aviation ដោយ​ចាប់យកមុខជំនាញ ​អាកាសចរណ៍។

៤. កាលនៅ​រៀន Di Di ធ្លាប់ជា MVP ប្រចាំ​ក្រុមបាល់បោះរបស់​សាលា ទាំងអនុវិទ្យាល័យ និងវិទ្យាល័យ។ ឯតំណែងក្នុងក្រុមគឺ Point Guard និង Small Forward។

៥. Dylan ចូលចិត្តហាត់ប្រាណ និង​ហាត់​យក​រាង​ឲ្យសង្ហា។

៦. ចំណូល​ចិត្ត​មាន​ទំនោរខ្លាំង​លើ​ការ​លេង បាល់បោះ ហើយអ្នក​ដែល​ជា Idol របស់លោកគឺ LeBron James និងស្រឡាញ់​ក្រុម LA Lakers។

៧. កំលោះដែលជា​ប្រភេទ​មនុស្សស្រឡាញ់​សត្វសុនខរូបនេះ​ ក៏ចូលចិត្ត​ការ​ចម្អិន​ម្ហូបដែរ។

៨. ពេល​ Chat លោក​ចូលចិត្ត ផ្ញើសារជាសំឡេង (Voice) ជាជាងសរសេរ (Typing)

៩. សម្រស់ទាក់ទាញ​របស់ Dylan ជា​ផ្នែក​មួយ​ដ៏សំខាន់​បំផុត​ដែល​ធ្វើ​ឲ្យ​អ្នកគាំទ្រ​នារីៗច្រើន​ជាង​បុរស​លង់​ស្នេហ៍ និងគាំទ្រ​ពេញ​ទំហឹង។

១០. ប្រភេទ​នារី​ក្នុង​ចិត្តគឺ​ជា​អ្នកណា​ដែល​ចេញ​មក​ឡូយ និង​ចរិត​ល្អ មាន​ភាពជាខ្លួនឯង រួសរាយ ជា​មនុស្សសកម្ម និង​ចាស់ជាងលោក (បើ​អាច​ អាយុ​បងលោក ៣​ឆ្នាំ នោះ​រឹត​តែ​ពិសេស)៕