- 2021-07-05 02:39:25
- ចម្រៀង
កាន់តែលេចត្រដែតហើយ! ពលករខ្មែរ កែវ លេចមុខក្នុង MV ថៃ ច្រៀងសុំស្នេហ៍នារីថៃដ៏ស្រស់ស្អាតម្នាក់
- 2021-07-05 02:39:25
- ចំនួនមតិ 0 | ចំនួនចែករំលែក 0
កាន់តែលេចត្រដែតហើយ! ពលករខ្មែរ កែវ លេចមុខក្នុង MV ថៃ ច្រៀងសុំស្នេហ៍នារីថៃដ៏ស្រស់ស្អាតម្នាក់
ចន្លោះមិនឃើញ
ពលករខ្មែរដែលល្បីលើ TikTok រហូតដល់ទូរទស្សន៍ថៃហៅឡើងឆាករបស់គេទៀតនោះ នៅពេលនេះ បានឈានមួយចំនួនទៀតហើយ ដោយបានចូលរួមច្រៀង និងសម្ដែងក្នុងបទចម្រៀងថៃមួយបទ ដែលច្រៀងលួងលោមសុំស្នេហ៍នារីថៃដ៏ស្រស់ស្អាតម្នាក់។
បទចម្រៀងនេះមានចំណងជើងថា "ចង់បាននាង” ដែលច្រៀងរួមគ្នាដោយយុវជន ៤រូបក្នុងនោះមានកែវម្នាក់ដែលគេស្គាល់ថាជាជនជាតិខ្មែរ តែបានទៅរស់នៅធ្វើពលករនៅក្នុងប្រទេសថៃ។ កែវ ទទួលបានភាពល្បីល្បាញខ្លាំងចាប់តាំងពីឆ្នាំ ២០២០ តាមរយៈប្រព័ន្ធ Tiktok។
យុវជនខ្មែររូបនេះ ទទួលបានការចាប់អារម្មណ៍ខ្លាំង តាមរយៈស្ទីលផ្ទាល់ខ្លួនរបស់គេតាមរយៈការច្រៀង រាំ និងការតុបតែងខ្លួន រហូតដល់មានអ្នកលេង Tiktok រាប់ពាន់នាក់ទាំងខ្មែរ និងថៃ បានធ្វើត្រាប់តាម។ ក្រោយពីទទួលបានចំណាប់អារម្មណ៍ច្រើន កែវ ក៏ត្រូវបានអញ្ជើញឡើងកម្មវិធីរបស់ទូរទស្សន៍កម្សាន្តក្នុងស្រុកមួយរបស់ថៃ។
បន្តពីនោះមកមិនយូរប៉ុន្មាន រូបគេបានឈានមកដល់សិល្បៈចម្រៀងថែមទៀត ដោយថ្មីៗនេះ រូបគេបានលេចមុខចូលរួមច្រៀង និងសម្ដែងក្នុងវីដេអូចម្រៀងមួយរបស់ថៃ។ ក្នុងបទនេះ កែវ បានច្រៀងទាំងជាភាសាខ្មែរ និងថៃ ដើម្បីលួងលោមសុំស្នេហ៍នារីថៃដ៏ស្រស់ស្អាតម្នាក់។ តោះ...ឥឡូវទស្សនា និងស្ដាប់ទាំងអស់គ្នា៖
