- 2022-01-11 00:00:00
- ព័ត៌មាន
ដៃគូសម្ដែងក្នុងរឿងតែមួយ តែពេលរឿងចប់ វាសនាតួឯក ២នាក់ឡើងចុះខុសគ្នាខ្លាំង
- 2022-01-11 00:00:00
- ចំនួនមតិ 0 | ចំនួនចែករំលែក 0
ដៃគូសម្ដែងក្នុងរឿងតែមួយ តែពេលរឿងចប់ វាសនាតួឯក ២នាក់ឡើងចុះខុសគ្នាខ្លាំង
ចន្លោះមិនឃើញ
ប៉ុន្មានឆ្នាំចុងក្រោយ មានតារាប្រុសស្រីជាច្រើនបានបង្ហាញមុខជាមួយនឹងរឿងភាគចាក់ផ្សាយមិនដាច់គ្នាឡើយលើបណ្ដាញសង្គម ក៏ដូចជាទូរទស្សន៍។ បើគិតតែតួឯក ២នាក់ ប្រចាំរឿងបានទទួលប្រជាប្រិយភាពដូចគ្នាពេលសម្ដែងរឿងរួម ប៉ុន្តែនៅពេលរឿងចប់ មិនប្រាកដថាពួកគេឡើងកូដខ្ពស់ដូចគ្នានោះទេ ព្រោះប្រាកដជាមានម្នាក់ល្បីខ្លាំង ស្របពេលម្នាក់ទៀតមិនសូវ។
១. Crystal Yuan និង Cheng Yi តួឯកក្នុងរឿង «Love and Redemption»
ប្រជាប្រិយភាពរបស់ Crystal Yuan មិនសូវជាហក់ឡើងខ្លាំងទេ ក្រោយសម្ដែងរឿងបន្ទាប់មកទៀត ប៉ុន្តែងាកទៅ Cheng Yi ឡើងកាន់តែខ្ពស់ដោយទទួលបានការងារថ្មីច្រើនសឹងរកពេលសម្រាកគ្មាន។
២. Ding Yuxi និង Zhao Lusi តួក្នុងរឿង «The Romance of Tiger and Rose»
ពេលរឿងនេះចាក់ផ្សាយ វាពិតជាទទួលបានការគាំទ្រខ្លាំងលើសលប់ រហូតធ្វើឲ្យ Zhao Lusi និង Ding Yuxi មានភាពល្បីល្បាញទាំងព្រម។ ប៉ុន្តែអ្វីដែលជាភាពខុសប្លែកពីគ្នានោះគឺ កម្រិតនៃប្រជាប្រិយភាពរបស់ Ding Yuxi មិនល្អខ្លាំងដូច Zhao Lusi ទេ។
Lusi ជោគជ័យខ្លាំង រហូតពេលនេះក្លាយជាតារាស្រីលំដាប់កំពូលម្នាក់ដែររបស់ចិន ព្រមទាំងមានមុខក្នុងខ្សែភាពយន្តជាមួយនឹងតារាល្បីលំដាប់ A ទៀត។
៣. Gong Jun និង Zhang Zhehan តួក្នុងរឿង «Word of Honor»
រឿងភាគមួយនេះបាននាំ ទាំង Gong Jun និង Zhang Zhehan ឡើងដល់លំដាប់កំពូល ហើយវាក៏បានក្លាយជារឿងភាគឆ្នើមមួយដែរប្រចាំឆ្នាំ។ ប៉ុន្តែគួរឲ្យស្ដាយ ដោយមានរឿងហាពាក់ព័ន្ធនឹងបញ្ហាចម្រូងចម្រាស Zhang Zhehan ត្រូវបានគេរិះគន់ និងធ្វើពហីការដកលោកចេញពីសិល្បៈតែម្ដង ស្របពេលកំពុងឡើងកូដ។
ដោយឡែក បើងាកទៅ Gong Jun វិញ ខុសគ្នាដាច់ពី Zhehan ដោយសារពេលនេះលោកគឺជាតារាម្នាក់ដែលមហាជនផ្ដោតការចាប់អារម្មណ៍ច្រើនបំផុតពេលនេះ។ ភាពល្បីល្បាញរបស់ Gong Jun ក៏ពិតជាមិនមែនជារឿងធម្មតាដែរបច្ចុប្បន្ននេះ។
៤. Yang Yang និង Zheng Shuang តួក្នុងរឿង «Love O2O»
ពេលឃើញតារាប្រុសស្រីទាំង ២សម្ដែងរឿងនេះរួមគ្នា ម្នាក់ៗពេញចិត្តជាខ្លាំង ព្រោះតែការសម្ដែងរបស់ពួកគេស៊ីសង្វាក់គ្នាខ្លាំង ដូច្នេះរឿងនេះក៏ល្បីទៅតាមនោះដែរ។ ប៉ុន្តែគួរឲ្យស្ដាយ ដោយសារអាស្រូវជីវិតក្រៅសិល្បៈរបស់ Zheng Shuang បានធ្វើឲ្យឆ្នាំងបាយរបស់នាងត្រូវក្រឡាប់ចាក់ផ្ងារ ផ្លាស់ប្ដូរទាំងស្រុង ពិសេសរងនូវការរិះគន់យ៉ាងខ្លាំង រឿងឲ្យគេពពោះជំនួស។
ស្របពេលជាមួយគ្នានេះ សម្រាប់ Yang Yang វិញ កាន់តែមានឥទ្ធិពលក្នុងពិភពសិល្បៈ ព្រមទាំងព្រមជាតារាប្រុសដែលឈរនៅលំដាប់កំពូលទៀតផងនាពេលបច្ចុប្បន្ននេះ។
៥. Gao Weiguang និង Dilireba សម្ដែងជាមួយគ្នាក្នុងរឿង «Eternal Love»
នៅក្នុងឆ្នាំ ២០១៧ រឿងភាគដែលមានចំណងជើងថា «Eternal Love» ដែលមាន Gao Weiguang និង Dilireba ដើរជាតួឯក ពិតជាទទួលបានការគាំទ្រខ្លាំងបំផុត ហើយពួកគេក៏កើនរាសីទាំងគូដែរ។ ប៉ុន្តែគ្រាន់តែរឿង «Eternal Love» បញ្ចាំងចប់ភ្លាម ប្រជាប្រិយភាពរបស់ Weiguang ក៏ស្រាប់តែធ្លាក់ចុះតាមនោះដែរ ខុសពី Dilireba ដែលចេះតែឡើងឥតឈប់ និងបានក្លាយជាគ្រាប់ពេជ្យដ៏មានតម្លៃរបស់ចិននាពេលនេះផងដែរ៕