តារាចម្រៀងមានដើមកំណើតនៅកម្ពុជាក្រោម ថាច់ សាថេន បានជួបដៃគូសម្ដែងស្រី លីវ ជីលី ញឹកញាប់ក្នុងរយៈពេលចុងក្រោយនេះ ពោលគឺបានជួបគ្នាក្នុងបទ “កម្លោះកង់បី” “ប្រស្នា២ខ” និងបទ “សំខាន់បងស្រឡាញ់អូន” ដែលត្រៀមចេញនៅរសៀលនេះ។

ប៉ុន្មានថ្ងៃនេះ សាថេន តែងតែពោលពាក្យ “សំខាន់បងស្រឡាញ់អូន” ទៅកាន់ លីវ ជីលី ទាំងផ្ទាល់ និងតាមបណ្ដាញសង្គម រហូតធ្វើឲ្យអ្នកគាំទ្រខ្លះ យល់ច្រឡំថាអ្នកទាំងពីអាចមានទំនាក់ទំនងពិសេសក្រៅឆាកជាមួយគ្នា។ ប៉ុន្ដែលោកបានបញ្ជាក់តាមរយៈSabay ថា ចំពោះទំនាក់ទំនងរបស់លោក ជាមួយអតីតMiss Grand Cambodia 2022 គឺកញ្ញា លីវ ជីលី គឺស្រឡាញ់រាប់អានគ្នា ជាលក្ខណៈបងប្អូន ដោយហេតុថាជាអ្នករស់នៅកម្ពុជាក្រោមដូចគ្នា។

ចំពោះសារដែលលោកបង្ហោះនានា ដោយមានភ្ជាបពាក្យថា"សំខាន់បងស្រឡាញ់អូន" នោះ គឺគ្រាន់តែសំដៅដល់ចំណងជើងបទចម្រៀងរ៉េបរបស់លោកត្រូវចេញនៅរសៀលនេះ ហើយមានរូបលោក និងជីលី ជាតួសម្ដែងរួមគ្នា។ លោកជឿថា MV នេះ នឹងទទួលបានការគាំទ្រច្រើន ព្រោះវាមានលក្ខណៈពិសេសជាងMV ដែលលោកធ្លាប់ចេញមុនៗ។

មុនចេញMV “សំខាន់បងស្រឡាញ់អូន" ជាផ្លូវការនៅរសៀលថ្ងៃទី២៨ ខែមេសា ឆ្នាំ២០២២ នេះ លោកបានបញ្ចេញTeaser ជាច្រើនដង ហើយក៏បានបញ្ចេញរូបថតក្រៅឆាករបស់លោក ជាមួយកញ្ញា លីវ ជីលី ជាច្រើនសន្លឹកផងដែរ ដើម្បីទទួលបានការចាប់អារម្មណ៍ច្រើនពីមហាជន។

តោះ...មុនទស្សនាMV ផ្លូវការ សូមទស្សនាTeaser នេះសិន៖