ឥទ្ធិពលរឿង "Marry My Husband" កាងលើកំពូលតារាង ៧សប្ដាហ៍ជាប់គ្នា សូម្បីរាសីតួក៏ខ្លាំងដែរ

2024-02-26 03:13:09
ភាពយន្ត

2024-02-26 03:13:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងនៅតែខ្លាំង ដូចរឿង "Marry My Husband" របស់ទូរទស្សន៍ tvN នៅតែស្ថិតនៅលើចំណាត់ថ្នាក់កំពូលបង្អស់នៅក្នុងតារាងចំណាត់ថ្នាក់នៃរឿងភាគ និងតារាសម្តែង ជាហេតុបណ្ដាលឲ្យមានការភ្ញាក់ផ្អើលបំផុតប្រចាំសប្តាហ៍នេះ។

គិតត្រឹមពេលនេះ គឺជាសប្តាហ៍ទីប្រាំពីរហើយ ដែលរឿងភាគដ៏ពេញនិយមមួយនេះនៅតែជាប់លេខ ១ នៅលើបញ្ជីរឿងភាគទូរទស្សន៍ប្រចាំសប្តាហ៍របស់ Good Data Corporation ដែលបង្កនូវការភ្ញាក់ផ្អើលបំផុត។ ការកំណត់ចំណាត់ថ្នាក់នៃសប្តាហ៍នីមួយៗនេះ គឺត្រូវបានប្រមូលទិន្នន័យពីអត្ថបទព័ត៌មាន ការបង្ហោះ Blog សហគមន៍អនឡាញ ការបង្ហោះវីដេអូ និងប្រព័ន្ធផ្សព្វផ្សាយផ្សេងៗ ដែលលើកឡើងពីរឿងភាគដែលកំពុងចាក់ផ្សាយនាពេលបច្ចុប្បន្ន ឬនឹងចាក់ផ្សាយក្នុងពេលឆាប់ៗនេះ។

មិនត្រឹមតែរឿង "Marry My Husband" ទេ ដែលនៅតែបង្ហាញភាពខ្លាំង សូម្បីតារាដែលជាតួសម្ដែងក្នុងរឿង ក៏បានដណ្តើមបានតំណែងកំពូលលំដាប់ Top 3 ប្រចាំតារាងតួសម្ដែងរឿងភាគដែលគួរឱ្យចាប់អារម្មណ៍បំផុតផងដែរ។ សរុបមក តួសម្តែងបានដណ្តើមបានតំណែងកំពូលទាំង ៥ ក្នុងចំណោមជើងខ្លាំងទាំង ១០ ប្រចាំសប្តាហ៍នេះ។

តួយ៉ាងដូច Park Min Young នៅតែរក្សាលេខ ១ ដដែល និងតាមពីក្រោយដោយ Lee Yi Kyung លេខ ២ Song Ha Yoon នៅលេខ ៣ និង Na In Woo លេខ ៨ ស្របពេល BoA នៅលេខ ៩។