ជិតបានមើលខ្សែភាពយន្តខ្នាតខ្លីអនឡាញថ្មីបែបយុវវ័យវិទ្យាល័យហើយ

2016-11-11 05:22:58
ភាពយន្ត

2016-11-11 05:22:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តភាគខ្នាតខ្លីតាមអនឡាញ ឬភាសាអង់គ្លេសហៅថា “Webisode” កំពុងទទួលបានការចាប់អារម្មណ៍យ៉ាងខ្លាំងពីសំណាក់យុវវ័យសម័យថ្មី មិនថាបស្ចិមប្រទេស ឬប្រទេសក្បែរខាងក្នុងអាស៊ី ដូចជា ជប៉ុន ចិន កូរ៉េ ថៃ។

កម្ពុជា ក៏កំពុងវិវត្តខ្លួនក្នុងការផលិតខ្សែភាពយន្តភាគតាមអនឡាញនេះមិនឲ្យចាញ់ប្រទេសក្បែរខាងឡើយ។ "មុនស្នេហ៍ប្រធានថ្នាក់តូច" ភាពយន្តភាគខ្លីបែបយុវវ័យសម័យថ្មី cute cute នៅថ្នាក់វិទ្យាល័យដំបូងបំផុតនៅកម្ពុជា កំពុងទទួលបានការចាប់អារម្មណ៍យ៉ាងខ្លាំងពីសំណាក់យុវវ័យ។ សន្ទុះនៃការចុច Like ផេកហ្វេសប៊ុករហូតដល់ ៦ពាន់ ត្រឹមប៉ុន្មានថ្ងៃដំបូង ហើយក៏មានការចែករំលែកក្នុងចំនួនយ៉ាងច្រើនផងដែរ។

សាច់រឿងទាំងមូលរៀបរាប់ពីជីវិតពិត និងរឿងរ៉ាវកើតមានរបស់សិស្សវិទ្យាល័យឯកជនមួយក្នុងថ្ងៃបើកបវេសនកាលថ្មី។ កញ្ចនា ជាប្រធានថ្នាក់ស្រីថ្មីដែលមុខមិនស្អាតសុទ្ធតែមុន បានបាក់ចិត្តស្រឡាញ់យុវសិស្សចំណូលថ្មីរូបសង្ហាបែបកូរ៉េម្នាក់ឈ្មោះ និក ទាំងដែលដឹងថាខ្លួនឯងត្រូវប្រឈមនឹងការប្រកួតប្រជែងពីស្រីស្អាតៗជាច្រើននៅក្នុងសាលា។

\t \t\t \t\t \t \t \t\t \t\t \t

សាច់រឿងស្នេហាលួចស្រឡាញ់គេម្នាក់ឯងរបស់ប្រធានថ្នាក់តូច នឹងទៅជាយ៉ាងណានោះ សូមកុំភ្លេចចុច Like ផេកហ្វេសប៊ុក www.facebook.com/HighSchoolLoveKh របស់ខ្សែភាពយន្តភាគខ្នាតខ្លី “High School Love: My Class Monitor”។