- 2016-11-17 10:49:25
- ភាពយន្ត
ភាពយន្តភាគថៃថ្មីសន្លាងមួយទៀត នឹងបង្ហាញវត្តមាននៅភីអិនអិន
- 2016-11-17 10:49:25
- ចំនួនមតិ 0 | ចំនួនចែករំលែក 0
ភាពយន្តភាគថៃថ្មីសន្លាងមួយទៀត នឹងបង្ហាញវត្តមាននៅភីអិនអិន
ចន្លោះមិនឃើញ
ខ្សែភាពយន្តភាគថៃជាច្រើនរឿងកន្លងមកហើយដែលបានចាក់ផ្សាយលើកញ្ចក់ទូរទស្សន៍ភីអិនអិន មានការគាំទ្រយ៉ាងខ្លាំងពីសំណាក់ទស្សនិកជនអ្នកទស្សនា ដូចជា រឿង «ភរិយាបណ្ដូលចិត្ត» «សុភាពបុរសថៈរថន» និងរឿង «មានសំបុកតែរងា» ជាដើម។
ដោយឡែករឿងភាគថៃថ្មីមួយទៀត «ភ្លើងស្នេហ៍ភ្លើងគំនុំ ឬ Fai Lang Fai » នឹងបង្ហាញវត្តមាននៅលើកញ្ចក់ទូរទស្សន៍ភីអិនអិន ចាប់ពីថ្ងៃទី២១ វិច្ឆិកា បន្ទាប់ពីរឿង «សុភាពបុរសថៈរថន»។
«ភ្លើងស្នេហ៍ភ្លើងគំនុំ» រៀបរាប់ពីរឿងរ៉ាវដែលបានកើតឡើងកាលពី ២៥ ឆ្នាំមុន ដែលប៉ារបស់លីឡា និងប៉ារបស់ណារ៉ុត បានវិនិយោគមុខជំនួញជាមួយគ្នា ប៉ុន្តែមិនយូរប៉ុន្មានប៉ារបស់ណារ៉ុត បានក្បត់ប៉ារបស់លីឡា។ ប៉ារបស់លីឡា ត្រូវជួបគ្រោះថ្នាក់ចរាចរណ៍ ហើយប្រពន្ធរបស់គាត់ក៏ស្លាប់ក្នុងឧប្បត្តិហេតុនេះ។ ចំណែកប៉ារបស់លីឡា ត្រូវពិការអស់មួយជីវិត។ បន្ទុកទាំងអស់ត្រូវធ្លាក់លើលីឡាទាំងស្រុង ជីវិតក៏ត្រូវបានផ្លាស់ប្តូរ។
នាងគិតថានឹងសងសឹកអ្នកដែលបានយកអ្វីៗពីប៉ារបស់នាងត្រឡប់មកវិញ។ លីឡាបានប្តេជ្ញាលះបង់ជីវិតដើម្បីបំផ្លាញគ្រួសារសត្រូវរបស់នាង ដើម្បីចង់ឱ្យប៉ារបស់នាងបានសប្បាយចិត្ត។ ប៉ុន្តែគម្រោងការនេះមិនងាយស្រួលនោះឡើយ ណារ៉ុតតែងព្យាយាមការពារគ្រួសាររបស់ខ្លួន។ ស្របពេលនោះដែរ សេចក្ដីស្រឡាញ់ក៏កើតឡើង ណារ៉ុតបានធ្វើគ្រប់យ៉ាងទាំងអស់ដើម្បីពន្លត់ភ្លើងកំហឹងរបស់លីឡា ដោយព្យាយាមយកចិត្ត និងផ្តល់ក្ដីស្រឡាញ់ដល់នាង។
តើលីឡាព្រមទទួលយកក្តីស្រឡាញ់នេះ ហើយបោះបង់ចោលគំនុំសងសឹកនេះដែរទេ? ទាំងអស់នេះនឹងបង្ហាញជូននៅក្នុងរឿង «ភ្លើងស្នេហ៍ភ្លើងគំនុំ» ដែលមានផ្សាយជូនចាប់ពីថ្ងៃទី២១ វិច្ឆិកា រៀងរាល់ថ្ងៃចន្ទ ដល់ ពុធ វេលាម៉ោង ៩:០០-១០:០០ យប់។
រឿងនេះនឹងមានវត្តមានកំពូលតារាសម្តែងដ៏ល្បីរបស់ថៃ គឺបុរសសង្ហា Boy Pakorn Chatborirak ចាប់ដៃគូជាមួយតួឯកស្រីដ៏ស្រស់សោភាកញ្ញា Peeranee Kongthai (Matt)។ ដូច្នេះសម្រាប់ប្រិយមិត្តគាំទ្រ សូមកុំភ្លេចរង់ចាំតាមដានទស្សនាភាពយន្តភាគថៃលំដាប់លេខ១នៅលើកញ្ចក់ទូរទស្សន៍ភីអិនអិន។ ទស្សនាឈុតខ្លី៖
