_medium.jpg)
- 2016-12-15 02:47:45
- ស្ទីលតារា
ឈុតមួយនេះហើយ រីយ៉ា ចេញឈាម!
- 2016-12-15 02:47:45
- ចំនួនមតិ 0 | ចំនួនចែករំលែក 0
ឈុតមួយនេះហើយ រីយ៉ា ចេញឈាម!
ចន្លោះមិនឃើញ
តារាសម្ដែងស្រី ម៉ុន ផលរីយ៉ា ហៅ រីយ៉ា ប្រាប់ថា នាងមានភាពលំបាកខ្លាំងនៅក្នុងឈុតមួយដែលនាងបានថតនៅក្នុងភាពយន្តថ្មីរឿង "កំពូលល្ងង់នៅអាស៊ី" ដែលត្រូវគេចងដោយកម្លាំងដៃខ្លាំងរហូតចេញឈាម។
តួសម្ដែងក្នុងបទ "ទីបំផុត" រូបនេះប្រាប់ថា នាងមានភាពលំបាកខ្លាំងក្នុងឈុតមួយដែលនាងត្រូវគេចាប់ចង។ "ឈុតដែលពិបាកជាងគេ គឺឈុតដែលខ្ញុំត្រូវគេចាប់ចងណា៎បង! ពេលនោះត្រូវរឹតខ្លាំងឡើងចេញឈាមហើយត្រូវថតឡើងវិញជាច្រើនដង" នាងថ្លែង។
រីយ៉ា បន្តថាទោះបីជាឈុតនេះមានភាពលំបាក និងការឈឺចាប់ ដល់នាងក៏ពិតមែនតែនាងបានព្យាយាមថតជាច្រើនសារ ដើម្បីតម្រូវឈុតនេះដោយមិនមានការសម្រាកឡើយ។
ម្យ៉ាងទៀតស្រីស្អាតរូបនេះ បន្ថែមថា នេះជារឿងទីមួយហើយដែលសម្ដែងក្នុងភាពយន្តបែបកំប្លែងដែលធ្វើឲ្យនាងបានអារម្មណ៍ខុសប្លែកពីរឿងមុនៗ ដែលនាងសម្ដែងជាបែបមនោសញ្ចេតនា។ នាងនិយាយថា "និយាយទៅគឺ ខ្ញុំចេះតែច្រឡំសើចខ្លួនឯង ពេលលេងម្ដងៗ (នាងសើច)" ។
រឿង "កំពូលល្ងង់នៅអាស៊ី" ជារឿងកំប្លែងខ្មែរ នឹងត្រូវបើកសម្ពោធចាក់បញ្ចាំងជូនទស្សនាពីថ្ងៃទី ១៥ ខែធ្នូ ឆ្នាំ ២០១៦ នេះតទៅនៅគ្រប់រោងភាពយន្តទាំងអស់ក្នុងប្រទេសកម្ពុជា៕
