- 2017-03-12 03:51:47
- ភាពយន្ត
រូបគីងកុងកម្ពស់ជាង ៥ម៉ែត្រត្រូវភ្លើងឆេះហ្មត់ នៅរោងកុនវៀតណាម
- 2017-03-12 03:51:47
- ចំនួនមតិ 0 | ចំនួនចែករំលែក 0
រូបគីងកុងកម្ពស់ជាង ៥ម៉ែត្រត្រូវភ្លើងឆេះហ្មត់ នៅរោងកុនវៀតណាម
ចន្លោះមិនឃើញ
មនុស្សជាច្រើនបានប្រមូលផ្ដុំគ្នា មើលរូបគីងកុងកម្ពស់ ៥ម៉ែត្រឆេះយ៉ាងសន្ធោសន្ធៅអំឡុងពេលចាក់បញ្ចាំងរឿងថ្មី Kong: Skull Island នៅរោងភាពយន្តមួយក្នុងក្រុងហូជីមិញ ដោយនឹកស្មានថាជាយុទ្ធនាការផ្សព្វផ្សាយ។ ប៉ុន្តែក្រោយមក ភ្លើងឆេះកាន់តែខ្លាំង ទើបដឹងការពិត និងនាំគ្នាគេចខ្លួន។
រូបគីងកុងដ៏ធំ និងឆាកផ្សព្វផ្សាយរឿងនៅខាងក្រៅរោងកុន ត្រូវភ្លើងឆេះពេញទំហឹងត្រឹម ៥នាទីប៉ុណ្ណោះ។ អ្នកបានឃើញហេតុការណ៍នេះ ដំបូងឡើយគិតថាជាកម្មវិធីផ្សព្វផ្សាយ ដើម្បីទាក់ទាញចំណាប់អារម្មណ៍ ដោយមិនបានបង្ហាញភាពភ្ញាក់ផ្អើលឡើយ។ នៅពេលភ្លើងឆេះរាលដាលកាន់តែខ្លាំងឡើង ទើបនាំគ្នាស្រែក និងគេចខ្លួន។
ហេតុការណ៍នេះបានកើតឡើងនៅអំឡុងម៉ោងប្រហែល ៧:០៥នាទី កាលពីយប់ថ្ងៃព្រហស្បតិ៍កន្លងទៅ ខណៈក្រុមអ្នករាំកំពុងសម្ដែងលើឆាក។ ក្រោយមក ក្រុមអ្នកពន្លត់អគ្គិភ័យបានគ្រប់គ្រងស្ថានការណ៍ទាំងស្រុង នៅប្រហែល ១៥នាទីបន្ទាប់។
ការសម្ពោធចាក់បញ្ចាំងខ្សែភាពយន្ត Kong: Skull Island មានការចូលរួមពីមន្ត្រីវៀតណាម ព្រមទាំងមន្ត្រីទូតអាមេរិកជាច្រើន ព្រោះខ្សែភាពយន្តនេះបានថតនៅរដ្ឋធានីហាណូយ និងតំបន់ដាច់ស្រយាលមួយចំនួនក្នុងប្រទេសវៀតណាម៕
