- 2017-03-15 23:18:00
- ស្ទីលតារា
ល្បី១ប្រាវ រីយ៉ា ប្តូរពីជិះម៉ូតូទៅឡានថ្លៃខ្ទង់ម៉ឺនដុល្លារ
- 2017-03-15 23:18:00
- ចំនួនមតិ 0 | ចំនួនចែករំលែក 0
ល្បី១ប្រាវ រីយ៉ា ប្តូរពីជិះម៉ូតូទៅឡានថ្លៃខ្ទង់ម៉ឺនដុល្លារ
ចន្លោះមិនឃើញ
កញ្ញា ម៉ុន ផលចរិយា ហៅរីយ៉ា ដែលល្បីតាមរយៈសម្ដែងតួឯកក្នុងបទ"ទីបំផុត" របស់ លោក ហេង ពិទូ ថ្មីៗនេះ កំពុងតែជិះរថយន្ត១គ្រឿងមានតម្លៃដល់ទៅ៤ម៉ឺនដុល្លារ។
រថយន្តដែល រីយ៉ា កំពុងតែជិះនោះ ម៉ាក LEXUS RX 400h ដោយនាងបានទិញតាំងពីដើមឆ្នាំនេះ ប៉ុន្តែនាងមិនបានបញ្ចេញឲ្យដឹងឡើយ។ មុនជិះ LEXUS RX 400h ស្រីស្អាតរូបនេះ ជិះត្រឹមតែម៉ូតូប៉ុណ្ណោះ។
និយាយដោយមិនលាក់លៀម រីយ៉ា បានប្រាប់ថា រថយន្តខាងលើ ខ្លួនមិនមានប្រាក់គ្រប់គ្រាន់ក្នុងការទិញផ្ដាច់ឡើយ ពោលគឺទិញលក្ខណៈបង់រំលោះ ដោយក្នុងនោះនាងមានប្រាក់ចំនួនពាក់កណ្ដាល។ " មានលុយគ្រប់ណាបងខ្ញុំសន្សំបានតែ២ម៉ឺនអីទេ សល់ម៉ានបង់រំលោះតើ" រីយ៉ាលើកឡើង។
មូលហេតុដែលនាំឲ្យតារាស្រីរូបនេះសម្រេចទិញរថយន្តទាំងមិនទាន់មានប្រាក់គ្រាប់ ហើយសុខចិត្តបង់រំលោះធនាគារបែបនេះ ក៏ព្រោះតែបច្ចុប្បន្ននាងមានការងារច្រើន ដោយការងារទាំងនោះភាគច្រើនចុះថតផ្លូវឆ្ងាយ ក៏ដូចជាថតរឿងតាមខេត្ត ធ្វើMC មិនអាចជិះម៉ូតូដូចមុនបានឡើយ។ ម្យ៉ាងទៀតនាងដឹងយ៉ាងច្បាស់ថា ការងារសិល្បៈរបស់នាង អាចរកចំណូលមកបង់រំលោះធនាគារ មិនមានបញ្ហាឡើយ។ "ភ័យអីបងការងាររឿងឥឡូវច្រើនដែរ បង់គេភ្លេចៗខ្លួន រួចបាត់ហើយ ព្រោះយើងបង់ឲ្យគេពាក់កណ្ដាលហើយហ្នឹង"។ តួឯកស្រីក្នុងរឿង"វាលស្រែស្នេហ៍ខ្ញុំ" ថ្លែង។
កញ្ញា ម៉ុន ផលចរិយា ហៅរីយ៉ា ទើបតែចូលសិល្បៈជាង១ឆ្នាំមកនេះទេ តាមរយៈការសម្ដែងបទ"ទីបំផុត"របស់តារាចម្រៀង ហេង ពិទូ។ ជាមួយបទចម្រៀងល្បីមួយនេះ បានធ្វើឲ្យ រីយ៉ា ចាប់ផ្ដើមមានទីផ្សារយ៉ាងគំហុក ហើយមានឱកាសបានសម្ដែងភាពយន្តជាបន្តបន្ទាប់ ដែលភាគច្រើននាងសុទ្ធតែ សម្ដែងតួឯកទាំងអស់។ ភាពយន្តដែលនាងធ្លាប់សម្ដែងមានដូចជា រឿង"វាលស្រែស្នេហ៍ខ្ញុំ" រឿង"កំពូលល្ងង់នៅអាស៊ី" រឿង"ព្យុះជីវិតចិត្តអ្នកលេង"ជាដើម៕
