យ៉ែម ស្រីពេជ្រ គ្មានសិទ្ធិថតរឿងឲ្យទូរទស្សន៍ផ្សេង

2017-04-20 04:11:46
ភាពយន្ត

2017-04-20 04:11:46
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ែម ស្រីពេជ្រ បានលើកឡើងថា នាងគ្មានសិទ្ធិថតខ្សែភាពយន្តឲ្យទូរទស្សន៍ផ្សេងក្រៅពីប៉ុស្តិ៍លេខ៥ទេ ព្រោះក្នុងពេលនេះ នាងជាប់កុងត្រាជាមួយប៉ុស្តិ៍លេខ៥។

តួឯកស្រីក្នុងរឿង "កូនក្រមុំលោកមេឃុំ" បន្តថា នាងបានចុះកុងត្រាឲ្យប៉ុស្តិ៍លេខ៥ រយៈពេល៣ ឆ្នាំ ។ ដោយក្នុង១ឆ្នាំ នាងត្រូវថតរឿងឲ្យទូរទស្សន៍នេះ ៣រឿង។ "ប៉ុន្តែដូចផលិតកម្មផ្សេងគាត់ផលិតឲ្យប៉ុស្តិ៍លេខ៥ បើខ្ញុំមានពេល ហើយរឿងហ្នឹងខ្ញុំចូលចិត្តដែរ ខ្ញុំអាចពិគ្រោះយោបល់ជាមួយថ្នាក់លើ បើគាត់អូខេខ្ញុំអាចទៅថតបាន តែរឿងហ្នឹងត្រូវចាក់បញ្ចាំងឲ្យប៉ុស្តិ៍លេខ៥ ទើបខ្ញុំថតបង"។ ស្រីពេជ្រ បន្ថែម។

ដូចនឹងអ្វីដែល ស្រីពេជ្រ អះអាងថា នាងអាចសម្ដែងបានតែភាពយន្តរបស់ប៉ុស្តិ៍លេខ៥ ព្រឹកមិញនេះ នាងបានបង្ហាញមុខក្នុងរឿងទូរទស្សន៍ដែលនាងជាប់កុងត្រា។ រឿងនេះ មានចំណងជើងថា "ចម្ការម្លប់ស្នេហ៍" ដែលទើបក្រុងពាលីព្រឹកនេះនៅសណ្ឋាគារ សូហ្វីតែលភូគីត្រា។

រឿង "ចម្ការម្លប់ស្នេហ៍" នេះដែរ គឺជាខ្សែភាពយន្តភាគលើកទី៧ ដែលប៉ុស្តិ៍លេខ៥ បានផលិតដោយខ្លួនឯងផ្ទាល់មាន ៣២ ភាគ ចូលរួមសម្ដែងដោយ លោក ជា លាងឈែ កញ្ញា យ៉ែម ស្រីពេជ្រ អ្នកនាង ឆ័យលី ដាឡែន លោក ស្រ៊េន វុត្ថា លោក លាង ឧត្តម និងតារាសម្ដែងប្រុសស្រីជាច្រើនរូបទៀត។

តាមលោក ជា លាងឈែ ថា រឿងនេះ ប្រភេទខ្សែភាពយន្តភាគបែបកាច់កុងឌឺដងរវាងតួឯកប្រុស និងតួឯកស្រី កើតឡើងនៅចម្ការ។ ជួបគ្នាពេលណារករឿងគ្នាគ្រប់ពេល ដោយតួឯកប្រុសត្រូវបានតួឯកស្រីវាយឲ្យរងរបួសជាច្រើនលើកច្រើនសារ។

រឿង "ចម្ការម្លប់ស្នេហ៍" នឹងត្រូវចេញថតនៅថ្ងៃទី ២៤ ខែ មេសា ឆ្នាំ ២០១៧ ខាងមុខនេះ ដោយប្រើពេលវេលាថតរយៈពេល៣ខែ៕