ពិធីការិនីអាស៊ីអាគ្នេយ៍ប្លែកអារម្មណ៍ប៉ះ ហង្ស សម្បើមស័ក្ដ លើកដំបូង

2017-06-16 04:49:24
ភាពយន្ត

2017-06-16 04:49:24
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅព្រឹកមិញនេះផលិតកម្មមហាហង្សបានក្រុងពាលីខ្សែភាពយន្តភាគរបស់ខ្លួនរឿង "មរតកចុកឈាម" នៅគេហដ្ឋានលោក អ៊ិន សុភិន ស្ថិតនៅភ្នំពេញថ្មី។ រឿងភាគថ្មីនេះដែរ ណាក់ ស្រីណា ពិធីការិនីអាស៊ីអាគ្នេយ៍ប៉ះគ្នាលើកដំបូងជាមួយ ហង្ស សម្បើមស័ក្ត ក្នុងតំណែងជាតួឯក។

ណាក់ ស្រីណា បានប្រាប់ Sabay ថា រឿងថ្មីនេះមានអារម្មណ៍ប្លែកជាងរឿងមុនៗ ព្រោះកន្លងមកនាង និង ហង្ស សម្បើមស័ក្ត មិនធ្លាប់សម្ដែងខ្សែភាពយន្តជាមួយគ្នា ទោះបីជាស្គាល់រាប់អានគ្នាជាច្រើនឆ្នាំទៅហើយក្តី។ "ចាសនេះក៏ជារឿងលើកទី១ ដែលនាងខ្ញុំថតឲ្យផលិតកម្មមហាហង្ស រឿង "មរតកចុកឈាម" នេះអត្តចរិតខ្ញុំស្លូត ហើយរងទុក្ខខ្លាំង"។

ខ្សែភាពយន្តភាគរឿង "មរតកចុកឈាម" ជាប្រភេទខ្សែភាពយន្តមនោសញ្ចេតនាសោកសង្រេងស៊ីជម្រៅព្រាត់ប្រាស់ឈ្នានីសគ្មានទីបញ្ចប់ មាន៤៥ ភាគ គ្រោងថតរយៈពេល៤ ខែ ដោយចាយដើមទុន១០ ម៉ឺនដុល្លារក្នុងការផលិតរបស់ទូរទស្សន៍អាស៊ីអាគ្នេយ៍។ នេះបើតាមលោក អ៊ិន សុភិន បានមានប្រសាសន៍។

អគ្គនាយកផលិតកម្មមហាហង្សរូបនេះបន្ថែមថា៖ "រឿងនេះក្រោយពីថតបាន៣ខែ យើងចាប់ផ្ដើមដាក់បញ្ចាំងនៅទូរទស្សន៍អាស៊ីអាគ្នេយ៍បណ្ដើរ ចំណែកឯទីតាំងថតវិញគឺភ្នំពេញ និងខេត្តជាប់រាជធានីភ្នំពេញនេះតែម្ដង"។

រឿង" មរតកចុកឈាម" ចូលរួមសម្ដែងដោយ លោក ហង្ស សម្បើមស័ក្ត ណាក់ ស្រីណា ហម ឈរ៉ា សឿន ផាន់ផាភួង ដានី អារីយ៉ា លឹម រដ្ឋា និងតារាសម្ដែងប្រុសស្រីជាច្រើនរូបទៀត៕