- 2017-07-22 13:42:19
- ភាពយន្ត
ឡើងផ្អើលម៉ង! រឿង «ចៃដន្យ» ចេញផ្លូវការហើយ ប្រកាសសម្ពោធក្នុងកម្មវិធីធំមួយនៅអ៉ីអន
- 2017-07-22 13:42:19
- ចំនួនមតិ 0 | ចំនួនចែករំលែក 0
ឡើងផ្អើលម៉ង! រឿង «ចៃដន្យ» ចេញផ្លូវការហើយ ប្រកាសសម្ពោធក្នុងកម្មវិធីធំមួយនៅអ៉ីអន
ចន្លោះមិនឃើញ
ទីបំផុតភាពយន្តខ្លីមានចំណងជើងថា “ចៃដន្យ” ដែលគ្រប់គ្នាទន្ទឹងរង់ចាំបន្ទាប់ពីបានបង្ហោះឈុតខ្លីឲ្យទស្សនិកជនងឿងឆ្ងល់ពេញបណ្តាញសង្គម Facebook កាលពី ថ្ងៃទី ១៨ កក្កដាកន្លងទៅ ពេលនេះបានបង្ហោះវីដេអូរឿងភាគ១ពេញលេញជាផ្លូវហើយកាលពីប៉ុន្មាននាទីមុននេះ ។
ពិសេសខុសប្លែកពីរឿងភាគខ្លីដ៏ទៃទៀត ការចេញផ្សាយលើកដំបូងបង្អស់នេះ ត្រូវបានប្រកាសជាសាធារណៈ និងធ្វើឡើងយ៉ាងឧឡារិកបំផុតក្នុងកម្មវិធី Toyota Car Show នៅផ្សារទំនើបអ៉ីអននៅល្ងាចថ្ងៃនេះ ។
កាន់តែរំជើបរំជួលនោះ មានវត្ថមានតារាចម្រៀងសម្លេងផ្អែម អ៊ួន បឋម ហៅ Sai ច្រៀងបទមនោសញ្ចេតនាជាច្រើន ពិសេសគឺបទថ្មីមួយមានចំណងថា «I Love You» ដែលត្រូវបាគេដឹងថាជាបទចម្រៀងក្នុងរឿង ចៃដន្យនេះតែម្តង។
លោក Sai បានប្រាប់ Sabay ថា៖«ខ្ញុំពិតជារំភើបរីករាយ និងមានកិត្តិយសយ៉ាងខ្លាំងដែលបទខ្ញុំត្រូវបានជ្រើសរើសប្រើប្រាស់ជាផ្លូវការប្រចាំក្នុងរឿងដែលគួរឲ្យចាប់អារម្មណ៍បែបនេះ ទោះនេះជាលើកទី៥ ហើយដែលបទចម្រៀងខ្ញុំត្រូវយកមកប្រើក្នុងរឿង។ និយាយពីរឿងនេះវិញ ខ្ញុំចាំមើលយូរហើយ ព្រោះជក់ចង់ដឹងតាំងពីបានមើល Teaser គេមកម្ល៉េះ។ ថ្ងៃនេះសប្បាយចិត្តម៉ងបានមកមើលគេសម្ពោធរឿងនេះ ភាគ១ ជុំគ្នាជាមួយបងប្អូនយើង ហើយគិតថានឹងតាមដានទៅភាគ២ នៅលើហ្វេសប៊ុកទៀត។ ខ្ញុំចង់ដឹងថានៅមានរឿងចៃដន្យអីខ្លះទៀតព្រោះឮគេប្រកាសថារឿងនេះសំបូរឈុតចៃដន្យណាស់»។
កញ្ញា គុណ សូនីតា បុគ្គលិកផ្នែករៀបចំកម្មវិធី នៃក្រុមហ៊ុនតូយូតាបានឲ្យដឹងថា « ព្រោះក្នុងរឿង "ចៃដន្យ" តួឯកប្រុស និង តួស្រីសុទ្ធតែបើកឡានសេរីថ្មីបំផុតរបស់យើង គឺ Toyota Altis ២០០៧ ដោយយើងសហការជាមួយ Sabay ដើម្បីថតរឿងនេះ។ ដូច្នេះយើងក៏ឆ្លៀតឱកាសនេះប្រាប់ប្រិយមិត្តទាំងអស់ឲ្យដឹងតែម្តងទៅថាបើចង់ឃើញពីភាពទំនើបទាន់សម័យ ស្រស់ស្អាតរបស់រថយន្ត Toyota Altis ២០០៧ របស់យើងបើកបរលើផ្លូវ អាចមើលរឿងនេះបាន ធានាថាម៉ាពេញចិត្ត»។
កញ្ញាបន្តថា៖ «ខ្ញុំផ្ទាល់ក៏មិនច្បាស់សាច់រឿងទាំងមូលយ៉ាងម៉េចដែរ តែពេញចិត្តណាស់ភាគ ១ នេះល្អមើលមែនពិសេសត្រង់វគ្គថតរូប Selfie នោះ ។ ខ្ញុំយល់ថារឿងនេះត្រូវយុវវ័យច្រើន ហើយថែមទាំងអាចត្រូវរឿងពិតអ្នកខ្លះផង ។ ខ្ញុំសង្ឃឹមថាទាំងអស់កុំឲ្យរំលងរឿងនេះឲ្យសោះ ពិសេសដូច ឮស្រាប់ បទចម្រៀងក្នុងរឿងនេះពិរោះ អ៉ីចឹងអាចធ្វើឲ្យមើលទៅកាន់តែល្អមើល កាន់តែចូលតួ»។
ដូច្នេះប្រសិនបើមើលរឿង «ចៃដន្យ» ហើយ ចាប់អារម្មណ៍រថយន្ត ឥលូវនេះគឺ អាចមកមើលផ្ទាល់ភ្នែកបាន ព្រោះកម្មវិធីតាំងបង្ហាញរថយន្តតូយូតាសេរីថ្មី មានរយៈពេល៣ថ្ងៃ ចាប់ពីថ្ងៃ ២១ ២២ ២៣ កក្កដា ២០១៧ ព្រមទាំងប្រ៉ូម៉ូសិនពិសេសសម្រាប់អ្នកចង់ក្លាយជាម្ចាស់រថយន្តដ៏ទំនើបនេះ។ ទិញរថយន្ត Toyota Corolla 2017, Camry 2017, Hilux Revo 2017 និង Fortuner 2017 ហើយ Toyota ក៏ផ្ដល់ជូន iPhone 7 មួយគ្រឿងផងដែរ។
តោះ! បើចាប់អារម្មណ៍ប្រញាប់ទៅរកមើល ព្រោះប្រូម៉ូសិននឹងបញ្ចប់ចុងខែកក្កដានេះហើយ។ ឬអាចទាក់ទងការិយាល័យផ្នែកលក់ទាំង ៣ ទីតាំងនៅភ្នំពេញ (ទឹកថ្លា បាក់ទូក បូកគោ) សាខាខេត្តបាត់ដំបង និងសៀមរាបបាន ឬទូរសព្ទទៅ ០១៧ ៣៣៣ ៥០៣/០១៧ ២២២ ៥៣២។
សម្រាប់ព័ត៌មានបន្ថែម សូមចូលទៅកាន់ហ្វេសប៊ុក Toyota Cambodia ៕
ចង់ដឹងរឿង «ចៃដន្យ» ល្អមើលម៉េចវិញ សូមមើលវីដេអូខាងក្រោម ៖
