- 2017-08-04 03:35:20
- ភាពយន្ត
ពីតម្លៃខ្លួន ៣ដុល្លារ ក្លាយជាអ្នកដឹកនាំក្រុមតួវាយតប់ក្នុងរឿង Action ខ្នាតធំ (វីដេអូ)
- 2017-08-04 03:35:20
- ចំនួនមតិ 0 | ចំនួនចែករំលែក 0
ពីតម្លៃខ្លួន ៣ដុល្លារ ក្លាយជាអ្នកដឹកនាំក្រុមតួវាយតប់ក្នុងរឿង Action ខ្នាតធំ (វីដេអូ)
ចន្លោះមិនឃើញ
លោក ឆន ច័ន្ទវីរៈ ដែលសព្វថ្ងៃមានអាជីពជាគ្រូបង្ហាត់គុនល្បុក្កតោ និងដឹកនាំឈុតវាយតប់ដល់តួ Stunt និង តួសម្ដែងក្នុងរឿងខ្នាតធំបែបវាយប្រហារមួយ ប្រាប់ Sabay ថាទម្រាំទទួលបានជោគជ័យក្នុងវិស័យសិល្បៈនេះ គឺលោកបានតស៊ូតាំងពីលោកចូលថតបានតម្លៃខ្លួនត្រឹម៣ដុល្លារប៉ុណ្ណោះ។
លោក បន្តថាពីដំបូងលោកលេចក្នុងវីដេអូចម្រៀងរបស់លោក ខេមរៈ សេរីមន្ត ដោយពេលនោះលោកមានតម្លៃខ្លួនត្រឹមតែ៣ដុល្លារប៉ុណ្ណោះ ហើយក្នុងនោះត្រូវគេកាត់អស់២០០០ទៀត ពោលគឺបានត្រឹម១០០០រៀលក្នងតួអង្គមួយក្នុងចម្រៀងមួយបទ។ ប៉ុន្តែលោកមិនបានចុះចាញ់ និងឈប់ត្រឹមនេះទេ យុវជនខ្មែររូបនេះប្រឹងប្រែងក្នុងវិស័យភាពយន្តរហូតក្លាយជា Muscle Arts Director ឬអ្នកដឹកនាំក្រុមតួវាយតប់ ក្នុងរឿងខ្នាតធំមួយ គឺ "អាគមស្បែកដាច"។
និយាយដល់វិស័យភាពយន្ត លោកបញ្ជាក់ថា៖ "ដំបូងខ្ញុំសម្ដែងក្នុងរឿង "ហ្លួងព្រះស្ដេចកន" បន្ទាប់មកដើរតួក្នុងរឿង"ចិញ្ចៀនបាត់ម្ចាស់" ជាមួយ ម៉េង ប៊ុនឡូ ដួង ម៉ានិច ហើយសព្វថ្ងៃនេះខ្ញុំគឺជា Muscle Arts Director ហើយនៅពេលឆាប់ៗខាងមុខនេះ ខ្ញុំក៏ត្រៀមសម្ដែងក្នុងកុនបុរាណមួយទៀត ជាតួឯក"។
យុវជនមានដើមកំណើតមកពីខេត្តស្វាយរៀងរូបនេះបញ្ជាក់ពីប្រវត្តិរបស់ខ្លួនថា ដំបូងឡើយលោកជាសិស្សម្នាក់ដែលល្បីល្បាញខាងផ្នែកចម្រៀងនៅឯសាលារៀន។ ដោយស្រឡាញ់វិស័យសិល្បៈលោកបានឡើងមករាជធានីភ្នំពេញក្នុងឆ្នាំ២០១៤ ដើម្បីប្រឡងចម្រៀងក្នុងកម្មវិធីទូរទស្សន៍មួយ។
ដោយយល់ឃើញថាវិស័យចម្រៀងហាក់ដូចជារីកដុះដាលខ្លាំង និងមានអ្នកប្រឡូកច្រើន លោកក៏ងាកទៅវិស័យក្បាច់គុនដែលមិនសូវមានគេចាប់អារម្មណ៍វិញ។ ដោយធ្លាប់ចេះស្រាប់ពីមុនមកផង លោកបានសម្រេចចូលហាត់ក្បាច់គុនជាមួយគ្រូផ្សេងៗគ្នា ដូចជា លោកគ្រូសេក ហាត់ក្នុងសាលាពុទ្ធសាស្រ្ត លោកគ្រូសៅ និងលោក គ្រូ សាន គីមស៊ាន ហៅ តាក្រមាមាស ហើយសព្វថ្ងៃលោកជាគ្រូបង្ហាត់តួសម្ដែង និងរៀបចំប្លង់វាយតប់ក្នុងរឿង "អាគមស្បែកដាច" និងជាគ្រូល្បុក្កតោអាជីពរបស់ "ក្លឹបល្បុក្កតោវត្តថាន់"៕
