- 2017-08-16 04:58:17
- ភាពយន្ត
ឈុតចុងក្រោយរឿង «ចៃដន្យ» ធ្វើឲ្យ Fans ជក់ឡើងមិនចង់ឲ្យចប់
- 2017-08-16 04:58:17
- ចំនួនមតិ 0 | ចំនួនចែករំលែក 0
ឈុតចុងក្រោយរឿង «ចៃដន្យ» ធ្វើឲ្យ Fans ជក់ឡើងមិនចង់ឲ្យចប់
ចន្លោះមិនឃើញ
ពិតជាមិនធម្មតា ភាគបញ្ចប់នៃរឿង ចៃដន្យ ទាក់ទាញការចាប់អារម្មណ៍យ៉ាងខ្លាំងបន្ទាប់ពីបានបង្ហោះលើបណ្ដាញសង្គមហ្វេសប៊ុក និង YouTube កាលពីថ្ងៃសៅរ៍ សីហាកន្លងទៅនេះ ដោយមកដល់ពេលនេះ ចំនួនអ្នកមើលបានកើនឡើងដល់ 680K ពិសេសនោះមានការឆ្លើយឆ្លង Comments គ្នាដល់ទៅ 200 Comments ,16K Like និង 8453 Shares ។
បង្តើតភាពរំជើបរំជួលដល់ម្ល៉ឹងព្រោះវគ្គនេះបង្ហាញពីចំនុចចាប់ផ្តើមនៃស្នេហារវាងតួប្រុស និងតួស្រី ដោយមានការសន្ទានាបែបលែបខាយ លេងសើច និងឈុតផ្អែមល្ហែមជាច្រើន ពិសេសមានបទប្រចាំរឿង “I Love You” របស់ Sai ដែលស្វីតត្រូវនឹងសាច់រឿងទៀតធ្វើឲ្យអ្នកមើលកាន់តែចូលតួ ។
យោងតាមការ Comments នៅហ្វេសប៊ុកផេក Sabay ឃើញថាមានអ្នកមើលជាច្រើនបាន Tag មិត្តភ័ក្តខ្លួនហើយចូលរួមយោបល់ថា ៖ លើសស្ករហើយ ,មើលបណ្ដើរស្ញេញបណ្ដើរ, ឡើង Sweet ញញឹមតែម្នាក់ឯមើលយូរៗទៅចង់ឆ្គួត , មិនចង់ឲ្យចប់សោះ , លើកនេះអូនលង់ស្នេហ៍តួប្រុសម្តង , ពីរនាក់នេះស្អាតសមគ្នាណាស់ ,មានតែយើងពីរនាក់ទើបយល់អារម្មណ៍នេះជាដើម ។
« រឿងចៃដន្យកើតឡើងជុំវិញខ្លួនយើងរាល់ថ្ងៃ សូម្បីពេលខ្ញុំសរសេររឿងនេះ ក៏យកចេញពីរឿងពិតដែលខ្ញុំបានឃើញផ្ទាល់ភ្នែក ជួបផ្ទាល់ដែរ ដូចត្រង់ឈុតតួស្រី ឃើញឡានតួប្រុសស្អាតអ៉ីចឹង បទពិសោធន៍ខ្ញុំកាលនោះ គឺកំពុងចង់ទិញឡាន ហើយពេលដើរផ្សារក៏ឃើញឡានមួយស្អាត ហើយបានលួចថតទុកដែរ ដូចតួស្រីក្នុងរឿងអ៊ីចឹង»។ នេះបើតាមការឲ្យដឹងពី អ្នកស្រី លីដា អ្នកនិពន្ធរឿងចៃដន្យ ។
អ្នកស្រីបន្តថា ៖ « ក្នុងភាគបញ្ចប់នេះ ត្រង់ឈុតដែលតួប្រុសបើកឡានតាមពីក្រោយ ជូនតួស្រីទៅផ្ទះ ខ្ញុំយល់ថាត្រូវរឿងអ្នកចាប់ផ្ដើមទាក់ទងគ្នាលើកដំបូងច្រើន ។ ប៉ុន្តែឈុតដែលធ្វើឲ្យអ្នកមើលចូលចិត្តជាងគេហើយលួចញញឹមនោះ ខ្ញុំគិតថាគឺពេលតួប្រុសឈរចាំ តួស្រីនៅមុខផ្ទះ ពិសេសពេលចូលដល់ក្នុងឡានមានត្រៀមបាច់ផ្កាឲ្យទៀតឡើងរ៉ូម៉ែនទិចខ្លាំងម៉ង កន្លែងនេះហើយដែលធ្វើឲ្យ Fans ច្រើនថា ផ្អែមខ្លាំង ហើយមើលច្រើនដង។ អ៉ីចឹងបើអ្នកមើលជាប្រុសៗ នៅខ្វះត្រង់ហ្នឹង អាចសាកធ្វើតាមរឿងនេះបានដើម្បីយកចិត្តមិត្តស្រី »។
« ក្រុមការងារយើងក៏សូមអរគុណចំពោះការគាំទ្ររបស់អ្នកមើលទាំងអស់ ពិសេសអ្នកដែលបានផ្តល់យោបល់ទោះល្អ ឬមិនល្អ សម្រាប់យើងការចូលរួមយោបល់របស់អ្នកពិតជាមានតម្លៃ ហើយយើងនឹងប្រឹងប្រែងធ្វើឲ្យកាន់តែល្អនៅរឿងលើកក្រោយៗទៀត»៕
កុំទាន់ជឿអ្នកនិពន្ធនិយាយ ចង់ច្បាស់សូមមើលវីដេអូ៖
តោះ! មើលកម្រងរូបភាពស្អាតៗ ក្នុងរឿង ចៃដន្យទាំងមូល ៖
