- 2017-09-11 10:05:19
- ភាពយន្ត
មុននឹងបញ្ចាំងទូទាំងពិភពលោក "មុនដំបូងខ្មែរក្រហមសម្លាប់ប៉ារបស់ខ្ញុំ" ចាក់នៅរោងភាពយន្តខ្មែរបាន ៣ថ្ងៃហើយ
- 2017-09-11 10:05:19
- ចំនួនមតិ 0 | ចំនួនចែករំលែក 0
មុននឹងបញ្ចាំងទូទាំងពិភពលោក "មុនដំបូងខ្មែរក្រហមសម្លាប់ប៉ារបស់ខ្ញុំ" ចាក់នៅរោងភាពយន្តខ្មែរបាន ៣ថ្ងៃហើយ
ចន្លោះមិនឃើញ
ខ្សែភាពយន្តរឿង "មុនដំបូងខ្មែរក្រហមសម្លាប់ប៉ារបស់ខ្ញុំ” ជាភាសាខ្មែរដែលបានផលិតឡើងដោយក្រុមហ៊ុន Netflix នឹងចាក់បញ្ចាំងនៅតាមរោងភាពយន្តក្នុងប្រទេសកម្ពុជា នៅថ្ងៃទី៨ ខែកញ្ញា ឆ្នាំ២០១៧ ដែលត្រូវបាននាំចូលផ្តាច់មុខដោយក្រុមហ៊ុន Westec Media Limited មុននឹងចាក់បញ្ចាំងខ្សែភាពយន្តនេះទូទាំងពិភពលោកដោយក្រុមហ៊ុន Netflix នៅថ្ងៃទី ១៥ ខែកញ្ញាខាងមុខនេះ។
ក្រោមការដឹកនាំដោយ លោកស្រី Angelina Jolie ខ្សែភាពយន្តរឿង «មុនដំបូង ខ្មែរក្រហមសម្លាប់ប៉ារបស់ខ្ញុំ» គឺជាខ្សែភាពយន្តប្រែសម្រួលចេញពីការចងចាំដ៏ឈឺចាប់របស់អ្នកស្រី អ៊ឹង លួង ដែលជាអ្នកនិពន្ធសៀវភៅ និងសកម្មជនការពារសិទ្ធិមនុស្ស ដែលបានរួចផុតជីវិតពីរបបខ្មែរក្រហមដ៏សាហាវយង់ឃ្នងពីឆ្នាំ ១៩៧៥ ដល់ ឆ្នាំ១៩៧៩។
ខ្សែភាពយន្តរឿងនេះឧទ្ទិសដល់អ្នកដែលបានស្លាប់ និងអ្នកដែលបានរួចផុតពីការស្លាប់ក្រោមរបបខ្មែរក្រហម។ វាផ្ដោតសំខាន់លើសេចក្ដីស្រឡាញ់និងការលះបង់របស់ក្រុមគ្រួសារខ្មែរ និងឆ្លុះបញ្ចាំងពីភាពស្រស់ស្អាត ដួងវិញ្ញាណ និងស្មារតីរឹងមាំរបស់ប្រជាជនខ្មែរ និងវប្បធម៌ខ្មែរ។
"មុនដំបូងខ្មែរក្រហមសម្លាប់ប៉ារបស់ខ្ញុំ” ត្រូវបានថតក្នុងទីតាំងប្រទេសកម្ពុជាចាប់ពីខែវិច្ឆិកា ឆ្នាំ ២០១៥ រហូតដល់ខែកុម្ភៈ ឆ្នាំ ២០១៦។ ខ្សែភាពយន្តនេះបានថតជាភាសាខ្មែរទាំងស្រុង ហើយជាខ្សែភាពយន្តខ្នាតធំជាងគេដែលមិនធ្លាប់បានផលិតឡើងក្នុងប្រទេសនេះ។ អ្នកបច្ចេកទេស សិប្បករ និងអ្នកជំនាញផ្នែកសិល្បៈជាជនជាតិខ្មែរបានចូលរួមយ៉ាងច្រើនបំផុតក្នុងក្រុមការងារថតខ្សែភាពយន្តនេះ រួមជាមួយតួអង្គសម្ដែងតូចតាចចំនួនជាង ៣៥០០ នាក់។
ខ្សែភាពយន្តរឿង «មុនដំបូង ខ្មែរក្រហមសម្លាប់ប៉ារបស់ខ្ញុំ» គឺជាខ្សែភាពយន្តដើមរបស់ក្រុមហ៊ុន Netflix Inc ដែលផលិតដោយអ្នកស្រី អែនជឺលីណា ជោលី លោក ប៉ាន់រិទ្ធី ជាអ្នកដឹកនាំរឿង និងផលិតករខ្សែភាពយន្តខ្មែរដ៏ល្បីល្បាញ ដែលបានដឹកនាំរឿង «ការបាត់បង់រូបភាព» ដែលភាសាអង់គ្លេសហៅថា «the missing picture» បានជាប់ឈ្មោះជាបេក្ខជនក្នុងការប្រកួតប្រជែងវគ្គផ្តាច់ព្រ័ត្រដណ្តើមពានរង្វាន់អូស្កា និងលោក Michael Vieira ផលិតករខ្សែភាពយន្តល្បីល្បាញនៃរឿង (By the Sea) ។ លោក Xavier Box (រឿងUmrika) និងអ្នកស្រី Patricia Rommel (រឿង The Lives of Others) គឺជាអ្នកកាត់តនៃខ្សែភាពយន្តនេះ។
អ្នកស្រី អ៊ឹង លួង , Maddox Jolie-Pitt , Adam Somner (រឿង Bridge of Spies) និង Charles Schissel (រឿង The Prestige) គឺជាផលិតករប្រតិបត្តិនៃខ្សែភាពយន្តនេះ។ លោក Anthony Dod Mantle ជាអ្នកដឹកនាំរឿងដែលបានឈ្នះពានរង្វាន់ Academy Award (រឿង Slumdog Millionaire) គឺជាអ្នកដឹកនាំផ្នែកថតរូប។
លោកអ្នកអាចកក់សំបុត្រដោយផ្ទាល់ ឬតាមអនឡាញ តាមម៉ោងបញ្ចាំងភាពយន្តនេះ ដែលអ្នកអាចជ្រើសរើសនៅលើគេហទំព័រដូចខាងក្រោម៖
http://www.majorcineplex.com.kh/cinema/
