- 2017-11-17 04:07:07
- ភាពយន្ត
មកមើល ឈុតក្រៅឆាក និងវីដេអូតុបតែងតួខ្មោចរឿង "សសរកន្លោង"(វីដេអូ)
- 2017-11-17 04:07:07
- ចំនួនមតិ 0 | ចំនួនចែករំលែក 0
មកមើល ឈុតក្រៅឆាក និងវីដេអូតុបតែងតួខ្មោចរឿង "សសរកន្លោង"(វីដេអូ)
ចន្លោះមិនឃើញ
ការផលិតភាពយន្តបែបភ័យរន្ធត់ ឬរឿងខ្មោច ចាំបាច់បំផុតត្រូវមានតួខ្មោចដែលសក្ដិសមបំផុត ដូច្នេះអ្នកផលិតត្រូវធ្វើយ៉ាងណាតុបតែងតួខ្មោច និងទីតាំងភ័យរន្ធត់ទាំងនោះឲ្យបានល្អ មើលទៅប្លែកភ្នែក។
រឿង "សសរកន្លោង" ត្រូវបានចាត់ទុកថា ជាភាពយន្តភ័យរន្ធត់ខ្នាតធំ១ប្រចាំឆ្នាំ២០១៧ ដោយក្នុងនោះមាន កញ្ញា យ៉ែម ស្រីពេជ្រ គ្រងតំណែងជាតួខ្មោច។ ការតុបតែងជាតួខ្មោចនេះ តួសម្ដែងស្រីខាងលើបានធ្វើឲ្យអ្នកគាំទ្ររបស់ខ្លួនមានការភ្ញាក់ផ្អើលយ៉ាងខ្លាំង ព្រោះតារាស្រីដែលមានសម្ផស្សស្អាត និងចរិតសុភាពរាបសារ បានផ្លាស់ប្ដូរទៅជាខ្មោចគួរឲ្យខ្លាចរអា។
ក្នុងនោះ ផលិតករ ចាន់ណា រ៉ូណាន់ ថ្វីបើដឹងថា ការយកតួឯកស្រីទៅតុបតែងជាតួខ្មោចអាក្រក់ ត្រូវចំណាយពេលយូរ និងថវិកាច្រើនក្ដី តែលោកនៅតែបន្តធ្វើឲ្យអស់ពីលទ្ធភាព ព្រោះនេះវាជាចំណុចទាក់ទាញរបស់ភាពយន្តលោក។
ជាក់ស្ដែង ផលិតករដែលធ្លាប់បានមហាជនទទួលស្គាល់ក្រោយស្នាដៃរឿង "កំណត់ហេតុនាងនាថ" បានឲ្យដឹងថា លោកនិងក្រុមការងារបានធ្វើការសិក្សាយ៉ាងច្រើនពីរបៀបតុបតែងខ្មោច ពិសេសខាងផលិតកម្មថែមទាំងបានបញ្ជូនក្រុមការងារឲ្យសិក្សាពីតិចនិកតុបតែងនេះដល់ប្រទេសថៃទៀតផង។
លោកបានឲ្យដឹងថា ស្នាដៃទី២នេះមានភាពលំបាកខ្លះដែរ តែងាយស្រួលជាងខ្មោចនាងនាថ ព្រោះក្រុមការងារបានច្នៃពុម្ពមុខខ្មោចហើយស្រេចសម្រាប់ផ្នែកក្បាល ឯផ្នែកផ្សេងៗទៀតគឺតុបតែងបន្ថែមដោយអ្នកជំនាញផាត់មុខ។
"សសរកន្លោង" គឺជាវណ្ណកម្មទី២ របស់ផលិតកម្ម "ឥន្ទ្រានិម្មិត" ដែលកំពុងចាក់ផ្សាយនៅគ្រប់រោងកុន ក្នុងរាជធានីភ្នំពេញ រោងភាពយន្តបារាយអណ្ដែតខេត្តសៀមរាប និងខេត្តបាត់ដំបង៕
វីដេអូតែងខ្មោចសសរកន្លោង
វីដេអូខ្មោចកំណត់ហេតុនាងនាថ
