ចំរើន សុភ័ក្ដ្រ

កញ្ញា ចំរើន សុភា ដែលជាបងស្រីរបស់តារាចម្រៀង ចំរើន សុភ័ក្រ បានថ្លែងមកកាន់ Sabay ថាខ្លួន និងប្អូនស្រី ជាមួយក្រុមតន្ត្រី ៣នាក់ទៀតកំពុងត្រៀមខ្លួនចេញទៅអាមេរិកដណ្ដើមពាន Grammy Awards ដែលជាកម្មវិធីប្រកួតប្រជែងពានរង្វាន់ធំបំផុតក្នុងវិស័យតន្ត្រី បន្ទាប់ពួកគេជាប់ឈ្មោះក្នុងកម្មវិធីលំដាប់ពិភពលោកមួយនេះ។ (ចំរើន សុភ័ក្រ) ព័ត៌មានពីបងប្អូនតារាចម្រៀងទាំងពីរជាប់ឈ្មោះក្នុងការប្រកួតកម្មវិធី Grammy Award នេះ ត្រូវចេញផ្សាយដោយសារព័ត៌មានក្នុងស្រុកជាភាសាអង់គ្លេសមួយ(KhmerTimeKh)។ បញ្ហានេះ កញ្ញា ចំរើន សុភា បានទទួលស្គាល់ ហើយថា ការដែលចេញទៅប្រកួតនោះ គឺទៅលក្ខណៈជាក្រុម ដោយសារនាងមានក្រុមមួយឈ្មោះថា "KROM” មានសមាជិក៥នាក់។ "ពួកយើងមានចម្រៀង១បទដើម្បីចូលរួមប្រកួត ហើយអ្វីដែលពិសេស ជាមូលហេតុយើងអាចចូលរួមបាន ដោយសារបទចម្រៀងយើងជាបទខ្មែរ តែស្តង់ដាបរទេសទើបខាង Grammy គេចាប់អារម្មណ៍"។ មិនត្រឹមតែប៉ុណ្ណោះ "KROM” ក៏បានសហការជាមួយក្រុមហ៊ុន Music/Radio Promotion របស់អាមេរិកដើម្បីផលិតជា អាល់ប៊ុម ចម្រៀងផងដែរ។ សុភា បន្ថែមថា "វាជាជោគជ័យមួយរបស់ "KROM” យើងមានមោទនភាពដែលយើងក្លាយជាក្រុមទី១របស់កម្ពុជាបានទៅប្រកួតនៅ Grammy ទោះបីយើងមិនទាន់ដឹងលទ្ធផលក៏យ៉ាងណាដោយ យើងសង្ឃឹមថា "KROM” នឹងអាចធ្វើឲ្យបរទេសកាន់តែស្គាល់ច្បាស់ពីតន្ត្រីរបស់កម្ពុជា"។ ការចេញទៅប្រកួតនេះ គឺប្រកួតយកពានពីរទម្រង់ ទី១ "Best World Music Album” និងទី២ "Song of the Year”។ ចំណែកឯពេលពេលវេលាក្នុងការចេញទៅ កញ្ញា ចំរើន សុភា មិនទាន់អាចបញ្ជាក់នៅឡើយទេ។ (ចំរើន សុភា) Grammy Awards គឺជាកម្មវិធីលំដាប់កំពូលក្នុងការប្រកួតពានរង្វាន់ផ្នែកសិល្បៈតន្ត្រី ដែលតែងតែប្រារព្ធឡើងនៅសហរដ្ឋអាមេរិក កម្មវិធីនេះដែរវង់តន្ត្រីរបស់អាស៊ីមិនច្រើននោះទេដែលមានឱកាសបានទៅចូលរួម សម្រាប់កម្ពុជានេះជាលើកទី១ផងដែរ៕ អត្ថបទ៖ SAMEDY រូបភាព៖ Facebook

2016-06-16 13:01:43
ព័ត៌មាន

ចំរើន សុភ័ក្រ សម្រស់មិនអំណោយផលដល់ការសម្ដែង ចំរើន សុភ័ក្រ សម្រស់មិនអំណោយផលដល់ការសម្ដែង

2016-06-16 13:01:43
ព័ត៌មាន

តារាចម្រៀងប្រចាំ We Production ចំរើន សុភ័ក្រ ថ្លែងមកកាន់ Sabay ថា នាងចង់ក្លាយជាតារាសម្តែងដែរ ប៉ុន្តែសម្រស់ រូបរាង មិនអំណោយផល។ “ចាសបង...និយាយរឿងសម្ដែងគឺស្រលាញ់ដែរ ប៉ុន្តែដឹងខ្លួនឯងថា សម្រស់មិនសូវបាន ហើយកម្ពស់អី ក៏ទៅមិនរួចទៀត ចឹងបានតែច្រៀងសម័យ និងបុរាណហ្នឹងឯងបង"។ សុភ័ក្រ ថ្លែង។ (រូបថត៖ ហ្វេសប៊ុក ចំរើន សុភ័ក្រ) ជាមួយគ្នានេះផងដែរ អតីតបេក្ខភាព The Voice រដូវកាលទី១នេះអះអាងថា កាលចប់ប្រឡងពីកម្មវិធីនេះភ្លាម មានបណ្ដាក្រុមហ៊ុន និងផលិតកម្មផ្សេងៗទាក់ទងឲ្យសម្ដែងដែរ ប៉ុន្តែដោយសារជាប់កុងត្រាជាមួយកម្មវិធីទើបមិនបាននឹកនា។ យ៉ាងណាមិញ ឥឡូវមានការងាររវល់ច្រើនពាក់ព័ន្ធនឹងសិល្បៈ ដូចជាការច្រៀងក្នុងផលិតកម្ម We Production ភ្លេងការ និងក្នុងភោជនីយដ្ឋានមួយកន្លែងផង សុភ័ក្រ បញ្ជាក់ថា មិនមានពេលវេលាគ្រប់គ្រាន់សម្រាប់វិស័យសម្ដែងនេះទេ។ សុភ័ក្រ ថ្លែង ៖ “ដំបូងកាលចប់ The Voice ភ្លាមៗ មានគេហៅច្រើន ប៉ុន្តែឥឡូវដូចជាអត់មានខាងណាគេហៅទៅសម្ដែងទេបង ណាមួយយើងជាប់កុងត្រាជាមួយក្រុមហ៊ុនផង"៕ អត្ថបទ៖ ថា ម៉ាលីដា

2016-06-06 16:32:22
ព័ត៌មាន

ចំរើន សុភ័ក្រ បដិសេធបែកគូដណ្ដឹង ចំរើន សុភ័ក្រ បដិសេធបែកគូដណ្ដឹង

2016-06-06 16:32:22
ព័ត៌មាន

ជួបជាមួយតារាចម្រៀង ចំរើន សុភ័ក្រ ក្នុងថ្ងៃខួបមួយឆ្នាំរបស់ហាង Le Cocktail បានប្រាប់ឲ្យដឹងថា នាងជាមួយគូដណ្ដឹងនៅតែរក្សាចំណងស្នេហ៍ធម្មតាដូចពីមុន មិនបានប្រេះឆាដូចការលើកឡើងកន្លងមកនោះឡើយ។ "ខ្ញុំគូដណ្ដឹងនៅធម្មតា អត់មានប្រេះឆាដូចបងប្អូនមួយចំនួនតូចលើកឡើងទេបង។ មានបងប្អូនខ្លះមិនសូវបានឃើញខ្ញុំបង្ហាញមុខគូដណ្ដឹងគាត់គិតថាប្រហែលជាពួកខ្ញុំបែបគ្នាហើយ ប៉ុន្តែអត់ទេ"។ សុភ័ក្រ ថ្លែង។ កញ្ញា ចំរើន សុភ័ក្ដ្រ និងគូដណ្ដឹងលោក ថុន ច័ន្ទមុន្នី ក្នុងថ្ងៃភ្ជាប់ពាក្យ(រូបថត ៖ FB សុភ័ក្ដ្រ) បន្ថែមលើសនេះទៀត អតីតបេក្ខភាព The Voice រដូវកាលទី១ ប្រាប់ថា គូដណ្ដឹងនាងនេះហើយ ដែលចាំជួយយកអាសានាងគ្រប់ពេលទៅកម្មវិធីតាមបណ្ដាខេត្តនានា។ "ការពិតបានគាត់នឹងហើយជាអ្នកចាំជួយជូនខ្ញុំទៅគ្រប់កម្មវិធីតាមបណ្ដា មិនថាយប់ព្រលប់ថ្ងៃ បើគ្មានគាត់គឺពិបាក"។ អតីតកូនក្រុម ណុប បាយ៉ារិទ្ធ បន្ថែម។ រូបភាព៖ ហ្វេសប៊ុក សុភ័ក្រ យ៉ាងណាមិញបញ្ជាក់រឿងវេលាអាពាហ៍ពិពាហ៍ ម្ចាស់បទ "មិនចេះគេងពីរនាក់" នាងថ្លែងទាំងមិនលាក់លៀមថាថ្ងៃណាមួយដែលសមស្របនឹងចូលរោងជ័យនាងនឹងប្រាប់ទស្សនិកជន។ ប៉ុន្តែពេលនេះនាងប្រាប់ថា ម្នាក់ៗកំពុងរវល់នឹងការងាររៀងៗខ្លួន ណាមួយអាយុក៏នៅតិច ទើបមិនទាន់ឈានដល់ដំណាក់កាលអាពាហ៍ពិពាហ៍។ គូដណ្ដឹងអតីតបេក្ខភាព The Voice កម្ពុជា រូបនេះ មានឈ្មោះថា ថុន ច័ន្ទមុន្នី មានវ័យ២៥ឆ្នាំ អ្នកទាំងពីរបានភ្ជាប់ពាក្យនឹងគ្នាកាលពីថ្ងៃទី១៧ ខែកក្កដា ឆ្នាំ ២០១៤៕ អត្ថបទ៖ ថា ម៉ាលីដា