- 2018-01-04 04:15:00
- ជីវិតតារា
សាន ផានិត ទទួលបានលិខិតសរសើរពីស្ថាប័នធំ២ ក្រោយជួបទុក្ខធំ
- 2018-01-04 04:15:00
- ចំនួនមតិ 0 | ចំនួនចែករំលែក 0
សាន ផានិត ទទួលបានលិខិតសរសើរពីស្ថាប័នធំ២ ក្រោយជួបទុក្ខធំ
ចន្លោះមិនឃើញ
ដំណឹងមរណភាពដ៏ក្រៀមក្រំរបស់ម្ដាយក្មេកកន្លងទៅមិនបានប៉ុន្មានផង សាន ផានិត ស្រាប់តែទទួលបានលិខិតសរសើរ និងទទួលផ្ទួនៗពីស្ថាប័នសប្បុរសធម៌២នៅកម្ពុជា។
កាលពីថ្ងៃទី២ ខែមករា ឆ្នាំ២០១៨នេះ អង្គការដែលមានគោលដៅគាំពារ និងប្រឆាំងការជួញដូរ AFESIP បង្កើតឡើងដោយលោកស្រី ម៉ម សុម៉ាលី បានប្រគល់លិខិតថ្លែងអំណរគុណ និងទទួលស្គាល់ទឹកចិត្តសប្បុរសដែលលោក សាន ផានិត តែងបរិច្ចាគប្រាក់កាស និងស្បៀងអាហារជូនអង្គការនាពេលកន្លងមក។
ចំណែកឯថ្ងៃគម្រប់ខួប៧ថ្ងៃនៃសពកាលម្សិលមិញ លោកបានទទួលលិខិតសរសើរ១ទៀតពី អ្នកស្រី នាង ផល្លា នាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួលកម្មវិធីអប់រំកុមារពិការភ្នែក និងគថ្លង់របស់ "អង្គការគ្រួសារថ្មី"។ លោកបញ្ជាក់ថានេះ ដោយសារស្ថាប័នខាងលើបានឃើញពីទឹកចិត្តសប្បុរស និងរាល់សកម្មភាពមនុស្សធម៌ដែលលោកធ្លាប់ចូលរួមជាមួយអង្គការ។
ម្ដាយក្មេក តារាចម្រៀងចាស់វស្សា សាន ផានិត បានទទួលមរណភាពកាលពីថ្ងៃទី២៨ ខែធ្នូ ឆ្នាំ២០១៧ ដោយជរាពាធ។ ពិធីតម្កល់ បូជាសព និងបុណ្យគម្រប់៧ថ្ងៃ បានប្រព្រឹត្តទៅចប់សព្វគ្រប់តាមទំនៀមទម្លាប់ព្រះពុទ្ធសាសនា និងមានញាតិមិត្ត ព្រមទាំងសិល្បករជាច្រើនចូលរួម៕
