- 2018-05-10 10:17:17
- ជីវិតតារា
ស្វែង សុជាតា ថ្វាយខ្លួនចំពោះព្រះពុទ្ធសាសនាទាំងគ្រួសារ
- 2018-05-10 10:17:17
- ចំនួនមតិ 0 | ចំនួនចែករំលែក 0
ស្វែង សុជាតា ថ្វាយខ្លួនចំពោះព្រះពុទ្ធសាសនាទាំងគ្រួសារ
ចន្លោះមិនឃើញ
រយៈពេល២ឆ្នាំហើយ ដែលតារាអាចសម្ដែងតួគ្រប់រសជាតិ ស្វែង សុជាតា បានសម្រេចចិត្តជ្រោកក្រោមម្លប់ព្រះពុទ្ធសាសនា ដោយរក្សាសីល៥ យ៉ាងខ្ជាប់ខ្ជួន។ អ្នកនាង ស្វែង សុជាតា បានបញ្ជាប់ថា បានរក្សាសីល៥ ធ្វើឲ្យនាងស្ងប់ចិត្ត ហើយគ្រួសារអ្នកនាងមានជំនឿយ៉ាងមុតមាំ ពេលនេះគ្រួសានាងរក្សាសីលទាំងអស់គ្នា។
តួអ្នកម្តាយនេះបន្តថា ឪពុកម្តាយក្មេកអ្នកនាង រក្សាសីល៨ ដោយពួកគាត់មិនពិសាសាច់សត្វនោះទេ។ ចំណែកឯអ្នកនាង និងស្វាមី រក្សាសីល៥ ចំណែកកូនប្រុសបង្រៀនឲ្យប្រណិបត្តិខ្លះៗ។
«បងរក្សាសីលបានជាប់ ឃើញថាការរក្សាសីលនេះជួយយើងបានច្រើន ជាពិសេសអប់រំផ្នែកផ្លូវចិត្ត បងមានក្ដីសុខពេលនេះដែលបានថ្វាយខ្លួនក្នុងព្រះពុទ្ធសាសនា គ្រួសារបងក៏មានសុភមង្គល»។ អ្នកនាង ស្វែង សុជាតា រៀបរាប់។
តារាស្រីរូបនេះបន្តថា ការរក្សាសីល៥របស់អ្នកនាង គឺប្រតិបត្តិតាមពុទ្ធបញ្ញត្តិមាន មិនកុហក មិនផឹកស្រា មិនសម្លាប់ជីវិតសត្វ មិនលួចទ្រព្យគេ និងមិនបៀតបៀនប្ដីប្រពន្ធគេ។ ពិសេសរាល់ថ្ងៃសីល ពេលល្ងាចអ្នកនាងមិនទទួលទានសាច់។
តារាសម្ដែងដ៏មានសមត្ថភាពរូបនេះបានបញ្ជាក់ថា ២ឆ្នាំចុងក្រោយមកនេះអ្នកនាងតែងតែធ្វើដំណើរទៅវប្បសនានៅលើភ្នំគូលែន។ ក្នុងអំឡុងចូលព្រះវស្សា ទៅវប្បសនា៣ដង ដោយចំណាយពេលម្ដងមួយសប្ដាហ៍ គឺ ថ្ងៃព្រះចូលវស្សា កណ្តាលព្រះវស្សា និង ចេញព្រះវស្សា៕
