- 2018-06-12 09:36:41
- ជីវិតតារា
ពន្លកសិល្បៈថ្មី ជាតំណក់ឈាមរបស់តារាបូលីវូដជើងចាស់កំពុងថ្ពក់ចិត្តគ្រប់គ្នាឲ្យងប់ងល់
- 2018-06-12 09:36:41
- ចំនួនមតិ 0 | ចំនួនចែករំលែក 0
ពន្លកសិល្បៈថ្មី ជាតំណក់ឈាមរបស់តារាបូលីវូដជើងចាស់កំពុងថ្ពក់ចិត្តគ្រប់គ្នាឲ្យងប់ងល់
ចន្លោះមិនឃើញ
នាពេលបច្ចុប្បន្ន Instagram ជាបណ្ដាញសង្គមដែលមានអ្នកនិយមប្រើច្រើនមិនចាញ់ហ្វេសប៊ុកប៉ុន្មានទេ។ តួយ៉ាងក្នុងប្រទេសឥណ្ឌា សន្ទុះនៃការប្រើគណនីសង្គមមួយនេះពិតជាពេញនិយមខ្លាំង ពិសេសតារាៗ និងកូនចៅរបស់ពួកគេ។
ក្មេងៗដែលពីមុនឪពុកម្ដាយតែងពនឹងចង្កេះ ពេលនេះពេញរូបពេញរាង ជាទីប្រាថ្នារបស់មហាជនទូទៅ ដោយសាររូបសម្រស់ស្រស់ស្អាតមិនចាញ់ឪពុកម្ដាយរបស់ពួកគេទេ។ ក្នុងចំណោមតំណក់ឈាមរបស់តារាល្បីៗក្នុងប្រទេសឥណ្ឌា មានកំលោះក្រមុំ ៦នាក់ប៉ុណ្ណោះដែលកំពុងអង្រួនបេះដូងគ្រប់គ្នានាពេលបច្ចុប្បន្ន រួមមាន៖
១. Janhvi Kapoor
មិនខុសពីឪពុកម្ដាយទេ Janhvi បានបណ្ដែតខ្លួនលើវិថីសិល្បៈ និងចាប់អាជីពជាតារាសម្ដែង។ ស្រីស្អាតវ័យ ២១ឆ្នាំនេះ គឺជាកូនស្រីរបស់អ្នកដឹកនាំរឿងដ៏ល្បីប្រចាំប្រទេសឥណ្ឌា Boney Kapoor និងអ្នកម្ដាយតារាសម្ដែង Sri Devi។
២. Sara Ali Khan
តារាសម្ដែង Saif Ali Khan និងអតីតភរិយា Amrita Singh បានបង្កើតកូនស្រីដ៏ស្រស់ស្អាតមានឈ្មោះថា Sara Ali Khan ដែលបច្ចុប្បន្នធំពេញវ័យ ២៤ឆ្នាំ និងជាទីប្រាថ្នារបស់បុរសៗ។ នាងក៏ជាបុគ្គលល្បីឈ្មោះមិនធម្មតាដែរនៅប្រទេសឥណ្ឌា និងទទួលបានប្រជាប្រិយភាពជាខ្លាំងលើ Instagram និង Twitter។
៣. Navya Naveli
អាជីពសិល្បៈពិតជាមិនទៅណាឆ្ងាយពីគ្រួសាររបស់តារាសម្ដែងជើងចាស់ Amitabh Bachchan ឬរ៉ាម៉នឡើយ។ តួយ៉ាងចៅស្រីក្រមុំរបស់លោកដែលមានឈ្មោះ Navya បានចូលប្រឡូកក្នុងវិស័យសម្ដែង និងមានអ្នកគាំទ្រជាច្រើនសព្វថ្ងៃ។
៤. Aryan Khan
កូនប្រុសច្បងរបស់កំពូលតារាបូលីវូដ Shah Rukh Khan មានឈ្មោះ Aryan ក៏កំពុងល្បីគួរសមដែរនារយៈពេលចុងក្រោយនេះ ដោយសាររូបសម្រស់ស្រស់សង្ហាក្នុងវ័យ ២១ឆ្នាំនេះ។ អ្វីដែលគួរឲ្យកត់សម្គាល់ មហិច្ឆតារបស់អ្នកកំលោះរូបនេះពិតជាធំធេងណាស់ គឺ Aryan ចង់ក្លាយជា Super Star ដ៏ជោគជ័យម្នាក់នៅថ្ងៃខាងមុខ។
៥. Junaid Khan
ស្ថិតនៅវ័យជំទង់កូនប្រុសរបស់ Aamir Khan ដែលមានអាយុ ២៤ឆ្នាំនេះ ទទួលបានក្ដីស្រឡាញ់ពីសាធារណជនជាច្រើន។
៦. Aarav
ក្រៅពីដើរគន្លងតាមឪពុក Akshay Kumar ហើយ Aarav ក៏ជាតារាម៉ូដែលកំពុងកេណ្ឌប្រជាប្រិយភាពយ៉ាងពេញទំហឹងដែរ៕