- 2018-06-22 02:03:13
- ជីវិតតារា
តាមពិត ឆន សុវណ្ណរាជ ប្រើតិចនិកអ៊ីចឹងសោះ ទើបយំបានងាយម្ល៉េះ
- 2018-06-22 02:03:13
- ចំនួនមតិ 0 | ចំនួនចែករំលែក 0
តាមពិត ឆន សុវណ្ណរាជ ប្រើតិចនិកអ៊ីចឹងសោះ ទើបយំបានងាយម្ល៉េះ
ចន្លោះមិនឃើញ
លោក ឆន សុវណ្ណរាជ មិនត្រឹមតែសាងកេរ្តិ៍ឈ្មោះលើវិស័យចម្រៀងនោះទេ លោកក៏ល្បីថាពូកែសម្តែងផងដែរ ជាពិសេសឈុតយំ លោកបញ្ចូលអារម្មណ៍បានល្អ។ ជាក់ស្ដែង ក្នុង MV ក៏ដូចជាក្នុងភាពយន្ត ទស្សនិកជនកត់សម្គាល់ឃើញថា លោកពិតជាស្រក់ទឹកភ្នែកបានល្អមែន។ ទាក់ទងនឹងរឿងនេះ លោកប្រាប់ថា មិនប្រើឧបករណ៍ជំនួយនោះទេ តែប្រើបច្ចេកទេស។
ម្ចាស់បទ "អូនទៅបាន បើបងដេញ" បកស្រាយថា បច្ចេកទេសដែលលោកប្រើ ដើម្បីចេញទឹកភ្នែកឲ្យហូរស្រក់មកពិតៗ គឺលោកបញ្ចូលមនោសញ្ចេតនា ហើយដាក់អារម្មណ៍ឲ្យដល់ក្នុងបទចម្រៀង ប្រើអារម្មណ៍ផ្ទាល់ខ្លួនយកមក ទើបអាចយំបានដោយមិនចាំបាច់ប្រើឧបករណ៍ជំនួយអ្វីទាំងអស់។ ម្យ៉ាងទៀត តួឯកក្នុងរឿង "សិសិររដូវក្នុងបេះដូង" បន្តថា វិធីសាស្ត្រនេះលោកក៏រៀនសូត្រតាមរៀមច្បងផងដែរ ដោយបង្ហាត់ឲ្យចេះប្រើប្រាស់អារម្មណ៍ ក៏ដូចជាបច្ចេកទេសប្រើប្រាស់ទឹកភ្នែកឲ្យហូរចេញមកបានលឿន។
“តាំងពីសម្ដែងមក ខ្ញុំអត់ដែលប្រើឧបករណ៍ជំនួយអ្វីទាល់តែសោះ គឺប្រើបច្ចេកទេសផ្ទាល់ខ្លួន ដោយប្រើអារម្មណ៍ផ្ទាល់ខ្លួនយកមក។ ណាមួយបានបងៗ ជួយបង្ហាត់ខ្ញុំពីរបៀបប្រើបច្ចេកទេសឲ្យចេញទឹកភ្នែកថែមទៀត"។ នេះបើតាម ម្ចាស់បទ "លួងគេរហូត" ប្រាប់ឲ្យដឹង៕
