- 2018-07-10 04:00:53
- ចម្រៀង
យីអ៊ុនឡើងស្រឺតៗ ម្ចាស់បទ "វាយម៉ាលុយ" ត្រូវ ពូឃ្លាំង សរសើរកប់មាត់
- 2018-07-10 04:00:53
- ចំនួនមតិ 0 | ចំនួនចែករំលែក 0
យីអ៊ុនឡើងស្រឺតៗ ម្ចាស់បទ "វាយម៉ាលុយ" ត្រូវ ពូឃ្លាំង សរសើរកប់មាត់
ចន្លោះមិនឃើញ
បន្ទាប់ពីចេញវីដេអូចម្រៀង "វាយម៉ាលុយ" យីអ៊ុនតារាចម្រៀងពន្លកថ្មី វីរៈ កែវពុធវត្តី ហៅ តី ហក់ឡើងស្រឺតៗតែម្តង ព្រោះមិនត្រឹមតែទទួលបានការកោតសរសើរពីសំណាក់អ្នកគាំទ្រប៉ុណ្ណោះទេ សូម្បីតែតារាចម្រៀងរ៉េបជើងចាស់ ពូឃ្លាំង ក៏ស្ងើចសរសើរ និងឲ្យពិន្ទុ១០០ លើទំនុកច្រៀងបទថ្មីនេះ។
នៅក្នុងវីដេអូឃ្លីបខ្លីបង្ហាញពីចំណាប់អារម្មណ៍លើ MV ទើបនឹងចេញប៉ុន្មានថ្ងៃមុន ពូឃ្លាំង ថា ១បទនេះ ស្រីតី បង្ហាញពាក្យសម្តី និងកាយវិការឡូយជាងបុរសទៅទៀត លោកឲ្យមេដៃ២តែម្តង។ មែនទែនទៅ DJ ឃ្លាំង ពិតជាមិនអស់ចិត្ត ហើយថែមទាំងមិននឹកស្មានថា ស្រីតី ធ្វើបានល្អយ៉ាងហ្នឹង ទាំងទំនុកច្រៀង បទភ្លេង និងគុណភាព MV។ "Wow Wow! ចំណងជើងឡូយ ប្លែក និយាយទៅភាសាឌឺឡូយ ដល់ឡូយចឹងពេក ខ្ញុំចង់ធ្វើការជាមួយគាត់" ពូឃ្លាំង ពោលសរសើរ។
អ្វីដែលរឹតតែអស្ចារ្យនោះ ពូឃ្លាំង បានប្រៀបធៀបសមត្ថភាពតារាចម្រៀងពន្លកថ្មីរូបនេះទៅនឹងតារារ៉េបដ៏ល្បីល្បាញរបស់អាមេរិក គឺ Cardi B។
ដំបូងឡើយ វីរៈ កែវពុធវត្តី ហៅ តី គឺជាអ្នករាំតាមកម្មវិធីប្រគំតន្ត្រីឲ្យតារាចម្រៀង មាស សុខសោភា ហើយបច្ចុប្បន្ន នាងជានិស្សិតឆ្នាំទី៣ ផ្នែកអក្សរសាស្ត្រអង់គ្លេស។ "វាយម៉ាលុយ" ជាបទទី១ ដែលស្រីតី និពន្ធ និងច្រៀង បង្ហោះលើហ្វេសប៊ុក និង Youtube គ្រាន់ជាការកម្សាន្តប៉ុណ្ណោះ ប៉ុន្តែបទនេះបែរជាទទួលបានការគាំទ្រលើសលុប ធ្វើឲ្យនាងសម្រេចផលិតជា MV តែម្តង៕