- 2018-09-21 01:48:14
- ជីវិតតារា
ក្តាប់បានតំណែងតួឯកភ្លាម ខ្លឹម ស្រីគា ប្រកាន់ជំហរមិនសម្ដែងតួរង
- 2018-09-21 01:48:14
- ចំនួនមតិ 0 | ចំនួនចែករំលែក 0
ក្តាប់បានតំណែងតួឯកភ្លាម ខ្លឹម ស្រីគា ប្រកាន់ជំហរមិនសម្ដែងតួរង
ចន្លោះមិនឃើញ
ក្រោយពីបានសាងស្នាដៃក្នុងខ្សែភាពយន្ត "ភូមិគ្រឹះជំពាក់ស្នេហ៍" ក្នុងតំណែងជាតួឯកស្រី អតីត Miss Grand Cambodia កញ្ញា ខ្លឹម ស្រីគា ប្រកាន់ជំហរសម្ដែងជាតួឯកប៉ុណ្ណោះ ដោយមិនអាចសម្ដែងជាតួរងបាននោះទេ។
ហេតុផល ដោយសារស្រីស្អាតអាយុ១៩ឆ្នាំ យល់ថា ការចាប់ផ្ដើមដំបូងក្នុងពិភពសម្ដែង កញ្ញាបានក្ដាប់តំណែងជាតួឯក ដូច្នេះស្រីស្អាតកម្ពស់ ១៧៣ សង់ទីម៉ែត្រ មិនអាចសម្ដែងជាតួរងបានទេ សម្រាប់រឿងបន្ទាប់។ ជំហរនេះ មិនមែនមានន័យថា ស្រីគា ប្រកាន់ឬក ចង់សម្ដែងតែតួឯកនោះឡើយ តែកូនពៅក្នុងចំណោមបងប្អូន២នាក់ គ្រាន់ចង់រក្សាតំណែង និងអ្វីដែលខ្លួនខំប្រឹងកន្លងមកប៉ុណ្ណោះ។
ស្រីគា បញ្ជាក់ថា ៖“សម្រាប់រឿងដំបូង ខ្ញុំបានតំណែងជាតួឯកហើយ ដូច្នេះខ្ញុំនៅតែរក្សាតំណែងនេះ ។ បើសិនជាចាប់ផ្ដើមដំបូងជាតួឯក ហើយរឿងបន្ទាប់មកទៀត ជាតួរង មិនអាចធ្វើបានទេ។ អ្នកសិល្បៈខ្លះ ចាប់ផ្ដើមពីតួរង ដើម្បីបានតួឯក។ តែសម្រាប់ខ្ញុំ ចូលភ្លាមបានតួឯក ដូច្នេះខ្ញុំត្រូវតែរក្សាតំណែងនេះ"។
កញ្ញា ខ្លឹម ស្រីគា ទើបចាប់ផ្ដើមប្រឡូកសិល្បៈ តែទទួលបានឱកាសការងារយ៉ាងច្រើន ដូចជា ពិធីការីនី បង្ហាញម៉ូដ ថតស្ប៉ត និងសម្ដែងភាពយន្ត ផងដែរ៕