/5bce926b96bd6_1540264500_medium.jpg)
- 2018-10-23 03:21:36
- ជីវិតតារា
រូបថតពិនិត្យផ្ទៃពោះរបស់ Zhao Liying កំពុងត្រូវបានចែកចាយពាសពេញបណ្ដាញសង្គម
- 2018-10-23 03:21:36
- ចំនួនមតិ 0 | ចំនួនចែករំលែក 0
រូបថតពិនិត្យផ្ទៃពោះរបស់ Zhao Liying កំពុងត្រូវបានចែកចាយពាសពេញបណ្ដាញសង្គម
ចន្លោះមិនឃើញ
កាលពីប៉ុន្មានម៉ោងមុននេះ អ្នកលេងបណ្ដាញសង្គមប្រចាំប្រទេសចិន បាននាំគ្នាចែកចាយរូបភាពពិនិត្យផ្ទៃពោះរបស់តារាសម្ដែង Zhao Liying។
នៅលើក្រដាសពិនិត្យអេកូនោះ បានបញ្ជាក់ឈ្មោះរបស់តារាសម្ដែង Zhao Liying និងព័ត៌មានជុំវិញការវិវដ្ដនៃទារកក្នុងផ្ទៃរបស់នាងផងដែរ។ ជាមួយនឹងរូបភាពនេះដែរ អ្នកគាំទ្រជាច្រើននៅតែមិនអស់ចិត្តថា ហេតុអ្វីបានជាគូស្នេហ៍មួយគូនេះ នៅតែព្យាយាមលាក់បាំងពីទំនាក់ទំនងរបស់ពួកគេរាប់ខែមកនេះ។
ខាងសារព័ត៌មានតាមបណ្ដាញសង្គមនោះ បានបញ្ជាក់បន្ថែមថា នៅខែមីនា ឆ្នាំក្រោយនេះ គឺជាពេលវេលាដែលកូនរបស់នាងត្រូវសម្រាលហើយ ព្រោះអ្នកគាំទ្រជាច្រើនបានដាក់ការសង្ស័យថា តារាសម្ដែងស្រីរូបនេះ មានផ្ទៃពោះតាំងពីខែមិថុនាមកម្ល៉េះ។ ទោះជាយ៉ាងណាក៏ដោយ ឥឡូវនេះ តារាសម្ដែង Zhao Liying និង Feng Shaofeng មិនទាន់ចេញមុខបកស្រាយពីបញ្ហានេះនៅឡើយទេ៕
