- 2018-12-21 09:00:00
- ជីវិតតារា
គាប់ជួនម្ល៉េះ បវរកញ្ញាកម្ពុជា៣រូបនេះ សុទ្ធតែមកពីខេត្តកំពង់ចាម
- 2018-12-21 09:00:00
- ចំនួនមតិ 0 | ចំនួនចែករំលែក 0
គាប់ជួនម្ល៉េះ បវរកញ្ញាកម្ពុជា៣រូបនេះ សុទ្ធតែមកពីខេត្តកំពង់ចាម
ចន្លោះមិនឃើញ
ស្រីស្អាតបីរូបគឺ បវរកញ្ញាចក្រវាលកម្ពុជា រឿន ណាត បវរកញ្ញា Miss Grand Cambodia ឌី លីកា និងបវរកញ្ញាអាស៊ីប៉ាស៊ីហ្វិកកម្ពុជា ខា អានឆានី សុទ្ធតែជាកំពូលស្រីស្អាត ធ្លាប់បង្ហាញសម្រស់លើឆាកអន្តរជាតិ ក្នុងការប្រកួតនៅក្នុងឆ្នាំ២០១៨នេះ។ អ្វីដែលគួរឲ្យចាប់អារម្មណ៍នោះ គឺ កញ្ញាទាំងបី សុទ្ធតែមានស្រុកកំណើតមកពីខេត្តកំពង់ចាម ដូចគ្នា។
ក្រៅពីមកពីខេត្តដូចគ្នាហើយ ចំណុចមួយទៀត គឺអ្នកទាំងបី ចេញពីគ្រួសារមានជីវភាពមិនសូវធូរធារ ជាកូនអ្នកស្រែចម្ការ តែមានការតស៊ូក្នុងជីវិត គួរឲ្យសរសើរ។
បវរកញ្ញាចក្រវាលកម្ពុជា រឿន ណាត
ស្រីស្អាតរូបនេះ ធ្លាប់ធ្វើឲ្យទស្សនិកជនខ្លោចចិត្ត ស្ទើរស្រក់ទឹកភ្នែក ដោយសារសូម្បីអត្តសញ្ញាណឪពុកជាជនជាតិអ្វី ក៏មិនដឹង។ រឿន ណាត ជាអ្នកមកពីខេត្តកំពង់ចាម មានជីវិតជាកូនអ្នកស្រែ ជួបបញ្ហាជីវភាពខ្វះខាតមុខក្រោយ។ ក្នុងការប្រកួតដែលទើបបញ្ចប់ទៅថ្មីៗនេះ ក្នុងប្រទេសថៃ កញ្ញា រឿន ណាត ធ្វើឲ្យមហាជនកោតសរសើរគ្រប់គ្នា ដោយសារទេពកោសល្យ និងភាពក្លាហានបង្ហាញឲ្យអន្តរជាតិ បានឃើញពីវប្បធម៌ និង ឈុតតំណាងជាតិដ៏ស្រស់ស្អាតរបស់កម្ពុជា។
បវរកញ្ញា Misss Grand Cambodia ឌី លីកា
ជាកូនអ្នកស្រុកក្រូចឆ្មា ខេត្តកំពង់ចាម ស្រីស្អាតរូបនេះ ក៏មានប្រវត្តិកម្សត់កើតចេញពីគ្រួសារអ្នកស្រែចម្ការ ផងដែរ។ សម្រាប់ការសិក្សាវិញ លីកា រៀនបានត្រឹមថ្នាក់វិទ្យាល័យប៉ុណ្ណោះ ព្រោះត្រូវរ៉ាប់រងជីវភាពគ្រួសារ។ បើនិយាយពីការប្រកួត Miss Grand International ដែលធ្វើឡើងនៅប្រទេសហ្វីលីពីន ថ្វីត្បិតស្រីស្អាតវ័យ២០ឆ្នាំ មិនទទួលជយលាភី តែលីកា បានពានរង្វាន់ប្រជាប្រិយភាពមួយពី កម្មវិធីកម្រិតអន្តរជាតិនេះផងដែរ។
បវរកញ្ញាអាស៊ីប៉ាស៊ីហ្វិក ខា អានឆានី
ស្រីស្អាតរូបនេះក៏ស្រុកកំណើតនៅខេត្តកំពង់ចាមដែរ ដោយរូបនាងមិនមែនកើតចេញពីត្រកូលអ្នកមានឡើយ ពោលក្រុមគ្រួសាររបស់ឆានី ជាគ្រួសារកសិករ។ រូបនាង ក៏ធ្លាប់បានចេញទៅប្រកួតប្រជែងសម្រស់នៅប្រទេសហ្វីលីពីន ផងដែរ។ ពេលទំនេរ ឆានី ចូលចិត្តនៅផ្ទះអានសៀវភៅប្រលោមលោក និងស្ដាប់ចម្រៀង។ បច្ចុប្បន្ន ឆានី កំពុងសិក្សាមុខជំនាញគ្រប់គ្រង សណ្ឋាគារ និងបដិសណ្ឋារកិច្ច នៅរាជធានីភ្នំពេញ។