- 2017-04-05 07:58:31
- ជីវិតតារា
ស្មានមិនដល់ថា ត្រចៀកកាំជាម្ដាយកាចដូចខ្លាសោះ
- 2017-04-05 07:58:31
- ចំនួនមតិ 0 | ចំនួនចែករំលែក 0
ស្មានមិនដល់ថា ត្រចៀកកាំជាម្ដាយកាចដូចខ្លាសោះ
ចន្លោះមិនឃើញ
តារាសម្ដែងចិនដ៏ល្បីល្បាញ Zhao Wei ដែលអ្នកគាំទ្រភាគច្រើនតែងតែស្គាល់ថា ជា "ត្រចៀកកាំ” នោះធ្លាប់ជាម្ដាយដ៏កាចម្នាក់។
តារាស្រីដែលជាសេដ្ឋិនីរូបនេះ បានរៀបការជាមួយអ្នកជំនួញជនជាតិសិង្ហបុរី ឈ្មោះ Huang Youlong កាលពីឆ្នាំ ២០០៨ ហើយនៅឆ្នាំ ២០១០ គូស្នេហ៍មួយនេះក៏ទទួលបានកូនស្រីម្នាក់ដ៏គួរឲ្យស្រលាញ់ជាចំណងដៃ ឈ្មោះថា Haung Xin ហៅក្រៅ Xiao Siyue (Little April) ។
ក្នុងជីវិតជាម្ដាយ តារាស្រីវ័យ ៤១ឆ្នាំ រូបនេះបានប្រៀនប្រដៅកូនស្រី នូវវិធីតឹងរឹងបំផុត តាមគំរូម្ដាយរបស់នាងដែលជាគ្រូបង្រៀន។ នាងបាននិយាយថា ធ្លាប់វាយកូន ពេលដែលកូននាងធ្វើចរិតមិនល្អ។
ត្រចៀកកាំបន្តថា៖ "ចរិតកូនខុសពីខ្ញុំ គឺបន្ទាប់ពីវាយគេហើយ ខ្ញុំតែងភ្លេចភ្លាមៗ មិនដែលចាំទុកក្នុងចិត្តទេ តែកូនខ្ញុំវិញចងចាំទង្វើរបស់ខ្ញុំជាម្ដាយជានិច្ច រហូតដល់ថ្នាក់អត់និយាយរកខ្ញុំមួយអាទិត្យទៀតផង"។
ដោយសារជាប់រវល់ជាមួយការងារថត និងដឹកនាំរឿងផងនោះ ទើបជាហេតុធ្វើឲ្យនាងមិនមានពេលវេលាគ្រប់គ្រាន់សម្រាប់គ្រួសារ ជាពិសេសខកខានថ្ងៃខួបកំណើត និងកម្មវិធីពិសេសនានា នៅសាលារបស់កូនថែមទៀតផង។ អ្នកម្ដាយរូបនេះថែមទាំងបាននិយាយថា ឥលូវកូនខ្លួនមិនត្រឹមតែមិនខ្លាចទេ ថែមទាំងផ្គើន ហ៊ានតមាត់ដាក់ម្ដាយទៀត។
ទោះបីជាយ៉ាងណាក្ដី Zhao ក៏ទទួលស្គាល់ថា វិធីអប់រំកូន ដោយប្រើទណ្ឌកម្មនេះគឺមិនល្អទេ វាថែមទាំងធ្វើឲ្យទំនាក់ទំនងម្ដាយ និងកូននៅកាន់ឆ្ងាយពីគ្នា។ ហើយតាមរយៈបទពិសោធន៍នេះ នាងនឹងព្យាយាមធ្វើជាម្ដាយដ៏ល្អម្នាក់ និងចំណាយពេលវេលាតាមដែលអាចធ្វើទៅបានជាមួយកូនស្រី៕
