- 2018-05-29 06:18:40
- ភាពយន្ត
លើកនេះ Rock បញ្ចេញស្នាដៃថ្មីខុសប្លែកពីពេលមុនៗ
- 2018-05-29 06:18:40
- ចំនួនមតិ 0 | ចំនួនចែករំលែក 0
លើកនេះ Rock បញ្ចេញស្នាដៃថ្មីខុសប្លែកពីពេលមុនៗ
ចន្លោះមិនឃើញ
នៅព្រឹកមិញនេះផលិតកម្ម Rock បានធ្វើពិធីក្រុងពាលីភាពយន្តខ្នាតធំរឿង "ឈាម" ជាស្នាដៃថ្មីប្លែកមួយទៀត ខុសប្លែកពីរឿងធ្លាប់ចាក់បញ្ចាំងនៅរោងកុននាពេលកន្លងមក។
លោក យឹម សុសត្យា ហៅ លី ម៉េង ប្រធានគ្រប់គ្រងកម្មវិធី និងជំនួយការអគ្គនាយក បានឲ្យដឹងថា កន្លងមកផលិតកម្ម Rock ធ្លាប់តែផលិតរឿងខ្នាតធំបែបមនោសញ្ចេតនា កំប្លែងសើចដាក់បញ្ចាំងនៅរោងកុនដើម្បីបំពេញចិត្តទស្សនិកជន។ ប៉ុន្តែរឿង "ឈាម" នេះខុសប្លែកពីភាពយន្តមុនៗ ដោយសារតែសាច់រឿងទាំងមូលពោរពេញទៅដោយភាពរន្ធត់ភ័យខ្លាច ការច្រណែនឈ្នានីសគ្នាគំនុំគំកួន រវាងប្អូន។
“រឿងនេះខុសប្លែកពីរឿងមុនៗទាំងអស់ ដោយសារតែរឿងនេះយើងប្ដូររសជាតិ មួយមានការតាមដាន មិនមែនជាប៉ូលិសស៊ើបអង្កេតទេ តែជាលក្ខណៈតាមដានរករឿងរ៉ាវអាថ៌កំបាំង នៅក្នុងផ្ទះមួយពាក់ព័ន្ធ និងរឿង តួស្រីគាត់មានគំនុំសងសឹកជាមួយក្រុមគ្រួសាររបស់គាត់"។ លោក លី ម៉េង ថ្លែងបញ្ជាក់។
រឿង"ឈាម" ជាភាពយន្តខ្នាតធំលើកទី១៥ របស់ផលិតកម្ម Rock ដោយគ្រោងនឹងចាយដើមទុនខ្ទង់ ៥ម៉ឺនដុល្លារក្នុងការផលិត។ ចំណែកឯទីតាំងថតមាននៅ រាជធានីភ្នំពេញ ខេត្តកំពត និងជាយក្រុងភ្នំពេញ។
ភាពយន្តខ្នាតធំ "ឈាម" នឹងចេញថតនៅដើម ខែមិថុនា ឆ្នាំ ២០១៨ ដោយគ្រោងដាក់បញ្ចាំងនៅដើមឆ្នាំ២០១៩ ខាងមុខ។ ចូលរួមសម្ដែងដោយ អ៊ូ តារា ជីជី សាន ផានិត ស្វែង សុជាតា រ៉ាស៊ី នាយក្រូច លីន លីលី ព្រមទាំងតារាសម្ដែងប្រុសស្រីជាច្រើនរូបទៀត៕
