- 2018-07-16 03:40:00
- ជីវិតតារា
ខួបកំណើតឆ្នាំថ្មី តារាឥណ្ឌា Katrina Kaif សុខចិត្តគេចការងារមកធ្វើរឿងមួយជាមួយមនុស្សសំខាន់
- 2018-07-16 03:40:00
- ចំនួនមតិ 0 | ចំនួនចែករំលែក 0
ខួបកំណើតឆ្នាំថ្មី តារាឥណ្ឌា Katrina Kaif សុខចិត្តគេចការងារមកធ្វើរឿងមួយជាមួយមនុស្សសំខាន់
ចន្លោះមិនឃើញ
ធ្មេចបើកៗ តារាសម្ដែងរបស់ឥណ្ឌា Katrina Kaif ឈានដល់វ័យ ៣៥ឆ្នាំគត់ហើយនៅថ្ងៃនេះ ហើយខួបកំណើតឆ្នាំនេះ នាងមានគម្រោងពិសេសមួយសម្រាប់ខ្លួន និងមនុស្សជាទីស្រឡាញ់ទោះមានរយៈពេលខ្លីក៏ដោយ។
និយាយពីពិធីខួបកំណើតឆ្នាំមុនរបស់នាងវិញ រឿងបរាជ័យ និងភាពមិនសប្បាយចិត្តប្រណាំងគ្នារត់មករកនាងជាបន្តបន្ទាប់។ ជាក់ស្ដែងជីវិតស្នេហា Katrina និងសង្សារ Ranbir Kapoor បានដល់ផ្លូវបញ្ចប់ ហើយការងារក៏មិនរលូនទៀត។
ទោះជាយ៉ាងណា គ្រប់យ៉ាងសុទ្ធជារឿងអតីតកាល ប៉ុន្តែឆ្នាំនេះគ្រប់យ៉ាងបានធ្វើឲ្យតារាស្រីរូបនេះសប្បាយចិត្តច្រើន។ ខួបកំណើតឆ្នាំ ២០១៨ Katrina មានគម្រោងចំណាយពេលក្នុងការធ្វើដំណើរកម្សាន្តជាមួយគ្រួសារ នៅកន្លែងដែលគ្រួសារចូលចិត្តទៅ ប៉ុន្តែនាងមិនបានបញ្ជាក់ច្បាស់ថាជាទីណានោះទេ។
បន្ទាប់ពីមមាញឹកនឹងការងារនៅមួយរយៈចុងក្រោយ តារាស្រីរូបនេះមិនមានពេលច្រើនសម្រាប់ខ្លួនឯងឡើយ ទើបនាងសម្រេចទុកការងារមួយឡែក ដើម្បីធ្វើល្អដាក់ខ្លួនឯង និងគ្រួសារសិន។ ប៉ុន្តែ តារាឥណ្ឌារូបនេះក៏មិនចាយពេលដើរលេងយូរដែរ ព្រោះនាងត្រូវប្រញាប់ត្រឡប់មកវិញឲ្យទាន់ការងារថតនៅថ្ងៃទី ១៨ ខែកក្កដាខាងមុខ៕
