- 2018-09-13 06:52:08
- ភាពយន្ត
មិនធម្មតា! LD ក្រុងពាលីរឿង៣ក្នុងពេលតែមួយ ប្រជុំដោយតារាសម្ដែង និងចម្រៀងល្បីៗ
- 2018-09-13 06:52:08
- ចំនួនមតិ 0 | ចំនួនចែករំលែក 0
មិនធម្មតា! LD ក្រុងពាលីរឿង៣ក្នុងពេលតែមួយ ប្រជុំដោយតារាសម្ដែង និងចម្រៀងល្បីៗ
ចន្លោះមិនឃើញ
ជារឿងមួយគួរឲ្យភ្ញាក់ផ្អើលបំផុតដែលផលិតកម្ម LD Picture បានធ្វើពិធីក្រុងពាលីចេញថតភាពយន្តខ្នាតធំ៣ ក្នុងពេលតែមួយប្រជុំដោយតារាសម្ដែង និងចម្រៀងប្រុសស្រីល្បីឈ្មោះជាច្រើនរូបនៅបុរី លឹមឈាងហាក់ព្រឹកមិញនេះ។
លៀក លីដា ចាងហ្វាងផលិតកម្មខាងលើ ឲ្យដឹងថា មូលហេតុលោក សម្រេចក្រុងពាលីភាពយន្តខ្នាតធំ ៣ក្នុងពេលតែ១ដោយសារតែបច្ចុប្បន្ននេះផលិតកម្ម LD បានត្រៀមទុនច្រើនក្នុងការផលិតរឿង។ ពិសេសផ្ដល់ឱកាសដល់ប្អូនៗមួយចំនួនដែលមានសមត្ថភាពតែងនិពន្ធ ដឹកនាំសម្ដែង តែគ្មានធនធានក្នុងការផលិត ដូច្នេះហើយទើបផលិតកម្មលោក ជួយជាដើមទុនដើម្បីឲ្យពួកគេមានឱកាសបញ្ចេញស្នាដៃរបស់ខ្លួន។
ជាមួយគ្នានេះដែរលោកថា៖"អ៊ីចឹងក្នុងពេលតែមួយ យើងក្រុងពាលីចេញថត៣រឿងផ្សេងគ្នាដោយ យើងមានអ្នកដឹកនាំសម្ដែង៣នាក់ និងក្រុមការងារផលិត៣ក្រុម ហើយសាច់រឿងចេញមកក៏ប្លែកល្អមើលផ្សេងគ្នាដែរ ព្រោះគំនិតចេញមកផ្សេងៗរបស់អ្នកដឹកនាំសម្ដែងទាំង៣។ សម្រាប់រឿងក្រុងពាលីថ្ងៃនេះមាន "ជួបស៊យវគ្គ២" “អង្រឹង" និង "ប្រមាញ់ប្ដី"។
ទាំង៣រឿងចូលរួមសម្ដែងដោយ គូម៉ា គៀត សុវណ្ណាឡាង នាយ គ្រឿន ពែកមី ខ្ញុង ស្វែង សុជាតា ទេព រិនដារ៉ូ ហេង ចន្ថា ងួន សុបិន ឈិន មុន្នីនាថ ព្រមទាំងតារាសម្ដែងស្រីប្រុសជាច្រើនរូបទៀត។ គ្រោងនឹងចេញថតចាប់ពីថ្ងៃទី ១៤ កញ្ញា ឆ្នាំ ២០១៨ នេះ ត្រៀមនឹងដាក់បញ្ចាំងគ្រប់រោងភាពយន្តទំនើបៗក្នុងរាជធានីភ្នំពេញ និងខេត្តសៀមរាប ដើមឆ្នាំ២០១៩ ខាងមុខ៕
