ភាពយន្ត «ផ្នូរគ្មានឈ្មោះ» ជារឿងពិតរបស់អ្នកដឹកនាំល្បីឈ្មោះ ប៉ាន់ រិទ្ធី

2018-09-17 07:20:33
ភាពយន្ត

2018-09-17 07:20:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសម័យខ្មែរក្រហម របស់ ពល ពត ប្រជាជនខ្មែរច្រើនជាង ១ លាន ៧សែន នាក់បានបាត់បង់ជីវិត ហើយក្នុងនោះគ្រួសារដ៏កក់ក្ដៅរបស់ លោក ប៉ាន់ រិទ្ធី ស្ទើរតែទាំងអស់ក៏ត្រូវបានគេសម្លាប់ ក្នុងរបប ៣ឆ្នាំ ៨ខែ ២០ថ្ងៃនេះដែរ។

រូបភាពពីក្នុងភាពយន្ត រឿង «ផ្នូរគ្មានឈ្មោះ»

កាន់តែពិបាកនោះគឺលោកមិនអាចដឹងថាតើក្រុមគ្រួសាររបស់លោកមាន លោកឪពុក ប៉ាន់ ឡូវ អ្នកម្ដាយ និងបងប្អូនប្រុសស្រី ជាច្រើនរូបទៀត ត្រូវបានសម្លាប់នៅកន្លែងណាក៏មិនដឹង ដោយមិនបានធ្វើបុណ្យ ហើយមិនដឹងថាវិញ្ញាណវិលវល់ ខ្លោចផ្សាយ៉ាងណា។

ដូចនេះហើយ ភាពយន្តឯកសាររឿង «ផ្នូរគ្មានឈ្មោះ» នេះជាភាពយន្តផ្ទាល់ខ្លួនរបស់លោក ប៉ាន់ រិទ្ធី ដែលរូបលោកបើកចំហការពិត ចេញពីបេះដូងរបស់លោកតែម្ដងដើម្បីបង្ហាញការស្វែងរកផ្នូររបស់ក្រុមគ្រួសាររបស់លោកដើម្បីធ្វើបុណ្យ និងរំដោះទុក្ខរបស់ក្រុមគ្រួសាររបស់លោកដែលបានស្លាប់ក្នុងសម័យនោះទាំងអស់។

រូបភាពពីក្នុងភាពយន្ត ឈុតអន្ទងព្រលឺង

ភាពយន្ត «ផ្នូរគ្មានឈ្មោះ» ឆ្លុះបញ្ចាំងមិនត្រឹមការស្វែងរកផ្នូរក្រុមគ្រួសារនោះទេ តែជាភាពយន្តមនុស្សជាតិ និងការស្វែងរកសន្តិភាពផ្លូវចិត្តសម្រាប់អ្នកដែលធ្លាប់ឆ្លងកាត់សម័យកាលដ៏ជូរចត់មួយនេះ។ ការពិតនេះ នៃជ្រុងមួយក្នុងរបបខ្មែរក្រហម និងការរំលឹកឡើងវិញនូវការចងចាំនៃសង្គមធ្លាក់ចុះនេះកំពុងបង្ហាញក្នុងរោងភាពយន្តខ្មែរតែរយៈពេល ៧ថ្ងៃប៉ុណ្ណោះគ្រប់រោងភាពយន្តទំនើបនៅភ្នំពេញ និង មជ្ឈមណ្ឌល បុផ្ផាណា ពីថ្ងៃទី ១៥ ខែកញ្ញា រហូតដល់ថ្ងៃទី ១៩ ខែកញ្ញា ឆ្នាំ ២០១៨ នេះ។

អ្នកស្រី Mariam Arthur ប្រធានគណៈកម្មការជ្រើសរើសពានរង្វាន់ អូស្គា កម្ពុជា

ដើម្បីគាំទ្រភាពយន្តជាតិមួយនេះទៅប្រកួតពានរង្វាន់ Oscar ពិភពលោក វាជាការចូលរួមរបស់ប្រជាជនខ្មែរទៅទស្សនានៅរោងភាពយន្ត ដែលការគាំទ្រនេះនឹងរាប់បញ្ចូលជាផ្នែកមួយដែលគណៈកម្មការជ្រើសរើសភាពយន្តប្រកួតពានរង្វាន់ អូស្រ្កា កម្ពុជា ចាប់ទុកជារឿងសំខាន់ដើម្បីដាក់ស្នើភាពយន្តនោះទៅរកួត Oscar ជាលក្ខណៈអន្តរជាតិ៕