- 2019-10-21 08:50:32
- ព័ត៌មាន
កាន់តែក្ដៅជម្លោះជាមួយអតីតភរិយាលើពាក្យ "កូនអត់ខាន់ស្លា" ថ្ងៃនេះ លៀក លីដា ចេញមុខឆ្លើយវិញ
- 2019-10-21 08:50:32
- ចំនួនមតិ 0 | ចំនួនចែករំលែក 0
កាន់តែក្ដៅជម្លោះជាមួយអតីតភរិយាលើពាក្យ "កូនអត់ខាន់ស្លា" ថ្ងៃនេះ លៀក លីដា ចេញមុខឆ្លើយវិញ
ចន្លោះមិនឃើញ
លៀក លីដា ចាងហ្វាងផលិតកម្ម LD Picture នៅថ្ងៃនេះ បានចេញមុខយ៉ាងកម្រក្នុងវីដេអូ Live ប្រមាណ៤០នាទី ធ្វើការឆ្លើយតបវិញទៅនឹងពាក្យ "កូនអត់ខាន់ស្លា" ដែលអតីតភរិយាបានបញ្ចេញដោយយកពីការសន្ទនារវាងពួកគេទាំងពីរ ធ្វើឲ្យមានការរិះគន់។
នៅមុននេះបន្តិច អតីតភរិយា លៀក លីដា អ្នកនាង សុទ្ធ បញ្ចកា បានបញ្ចេញវីដេអូខ្លីបង្ហាញពីការសន្ទនារបស់ពួកគេទាំងពីរនាក់ ក្នុងនោះត្រង់ចំណុចមួយ ចាងហ្វាងផលិតកម្ម អិលឌី បានឆ្លើយតបទៅអតីតភរិយាថា កូនស្រីដែលជាតំណក់ឈាមរួមរបស់ពួកគេ ជាកូនអត់ខាន់ស្លា ដែលពាក្យនេះ បានធ្វើឲ្យមហាជនរិះគន់លោកខ្លាំង ដោយសារថា លោក និងភរិយាបានរៀបការតាមប្រពៃណី។ តបនឹងបញ្ហានេះលោក លៀក លីដា ចាងហ្វាងផលិតកម្ម LD Picture បានអះអាងថា អតីតភរិយា មានបំណងបង្ខូចលោក។
លោកលើកឡើងថា លោកមិនមានគំនិតដូច្នេះទេ លោកស្រឡាញ់កូនស្រីលោកជាងអ្វីទាំងអស់ ដូច្នេះហើយទើបលោកសុខចិត្តយកកូនមកចិញ្ចឹមក្រោយលែងលះ ដោយសុខចិត្តប្រគល់ផ្ទះ និងរថយន្តថ្មីមួយគ្រឿងជាថ្នូរទៅឲ្យអតីតភរិយា ទាំងដែលកាលណោះ លោកមានជីវភាពមិនទាន់ប្រសើរផង។ ដូច្នេះហើយ លោកស្នើមហាជនជួយពិចារណា លោក និងអតីតភរិយាលោកជាមនុស្សបែបណា ដែលម្នាក់សុខចិត្តយកកូន ម្នាក់សុខចិត្តយកទ្រព្យក្រៅខ្លួន។
ចាងហ្វាងមានកំណើតពីកូនអ្នកស្រែរូបនេះ បញ្ជាក់ថា ពាក្យថា "កូនអត់ខាន់ស្លា" ដែលប្រិយមិត្តបានលឺក្នុងវីដេអូខ្លីបង្ហោះដោយអតីតភរិយាលោកនោះ គឺលោកឆ្លើយតបទៅនឹងសំណួរពាក់ព័ន្ធនឹង សាឡាត់ ស្រីឡាង។ "ដំបូងឡើយខ្ញុំមិននិយាយប៉ុណ្ណឹងទេ គឺខ្ញុំខលទៅគាត់ដើម្បីចរចាគ្នា ខ្ញុំសុំជួបហើយឲ្យគាត់ហៅម្នាក់ប្រុសហ្នុង(សង្សារអតីតភរិយា)មកជួបចរចាដើម្បីបញ្ចប់រឿង...តែគាត់បានបញ្ជោះបន្សោកខ្ញុំរឿង ស្រីឡាង ខ្ញុំថា មិនបាច់បញ្ជោះបន្សោកខ្ញុំទេ រឿង សាឡាត់ ស្រីឡាង ខ្ញុំអត់មានចុះអេតាស៊ីវិលទេ បើខ្ញុំចុះអេតាស៊ីវិលជាមួយគេ កូនស្រីខ្ញុំ នឹងទៅជាកូនអត់ខាន់ស្លា!"។
លោក លីដា បន្តថា លោកចង់មានន័យបែបនេះ ពោលគឺបើលោកចុះអេតាស៊ីវិលជាមួយ តារាស្រី សាឡាត់ ស្រីឡាង ដោយមិនបានចូលរោងការតាមប្រពៃណី គឺកូនស្រីរបស់លោកសព្វថ្ងៃនេះ នឹងក្លាយជាកូនអត់ខាន់ស្លា។ ដូច្នេះហើយ លោកថា អតីតភរិយា មិនបានបង្ហោះនូវការសន្ទនាទាំងស្រុងរបស់លោក ប៉ុន្តែបានកាត់យកតែចំណុចនេះមកបង្ហោះ ក្នុងបំណងឲ្យសាធារណជនយល់ច្រឡំ និងរិះគន់លោក។
ជាមួយគ្នាលោក ក៏ស្នើដល់សាធារណជន គួរចេះពិចារណាស៊ីជម្រៅ ដោយចៀសវាងការទទួលបានព័ត៌មានតែម្ខាង ហើយធ្វើការវាយប្រហារលោក ទាំងមិនបានដឹងសាច់រឿងច្បាស់លាស់។ លោកបន្តថា នេះជារឿងផ្ទៃក្នុងគ្រួសារមួយ និងជារឿងធម្មតា ដែលគ្រួសារនីមួយៗរមែងមានរឿងរកាំរកូស។ ដូច្នេះ សាធារណជនមិនគួរចំណាយពេលជាមួយរឿងឥតប្រយោជន៍បែបនេះឡើយ។
ប្រមាណជាង ១ឆ្នាំហើយ ដែលលោក លៀក លីដា និងអ្នកនាង សុទ្ធ បញ្ចកា បានលែងលះគ្នា។ ការចែកផ្លូវគ្នានោះ អ្នកនាង បញ្ចការ លើកឡើងថាដោយសារមានកញ្ញា សាឡាត់ ស្រីឡាង ជាអ្នកទី៣។ យ៉ាងណានៅក្នុងវីដេអូបកសា្រយនោះ លោក លីដា ក៏បានលើកឡើងថា អតីតភរិយា ក៏មិនស្មោះត្រង់ជាមួយលោកដែរ និងថែមទាំងមិនបានបំពេញតួនាទីជាម្ដាយល្អថែមទៀត ដោយជារឿយៗ អតីតភរិយាចេញដើរលេងយប់ ចូលក្លឹបដោយមិនគិតពីសុខទុក្ខកូនឡើយ។
លោកបន្តថា អ្វីដែលចេញមុខនាពេលនេះ ព្រោះមិនចង់ឲ្យមានពាក្យនិន្ទាថាលោកជា "អាវែក"។ ជាមួយគ្នា លោកថា តទៅនេះ លោកនឹងឲ្យមេធាវីដំណើរក្ដីលើករណីជម្លោះពាក្យសំដីជាសាធារណៈជាមួយអតីតភរិយាអ្នកនាង សុទ្ធ បញ្ចការ ដែលលោកបានអះអាងថា មានចេតនាបង្ខូចឈ្មោះលោក។
ក្រោយពីលោក លៀក លីដា បកស្រាយខាងលើ គេឃើញអ្នកនាង សុទ្ធ បញ្ជការ អតីតភរិយា បានឆ្លើយតបវិញដែរថា អ្វីដែលអតីតស្វាមីអ្នកនាង លើកឡើងមានបំណងយកត្រូវតែខ្លួនឯង ដោយនិយាយតែចំណុចដែលអ្នកនាងខុស។ ក្រៅពីនេះ អ្នកនាងថា លោក លីដា ព្យាយាមមិននិយាយពីរឿងដែលពាក់ព័ន្ធនឹង សាឡាត់ ស្រីឡាង និងព្យាយាមការពារតារាស្រីរូបនេះ ខុសពីពេលកន្លងមក លោកដូចមិនការពារអ្នកនាង កាលនៅជាស្វាមី ភរិយានឹងគ្នាឡើយ៕
ស្ដាប់ការបកស្រាយរបស់លោក លៀក លីដា ខាងក្រោម៖
ខាងក្រោមនេះ គឺវីដេអូបង្ហោះដោយអតីតភរិយា លៀក លីដា
