ភាពយន្ត ប៊ីអាយជី ដើរតួឯក ថតជាង១ឆ្នាំមុន ឥឡូវចេញ Trailer ត្រៀមបញ្ចាំងហើយ!

2020-01-07 02:31:00
ភាពយន្ត

2020-01-07 02:31:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីស្ងប់ស្ងាត់មួយរយៈ ឥឡូវនេះ គេឃើញលោក ប៊ីអាយជី ហក់មកកាន់តំណែងតួឯកក្នុងភាពយន្តមួយរឿង ដែលបានចំណាយពេលថត សម្រិតសម្រាំងជាង១ឆ្នាំ ឥឡូវនេះបានបញ្ចេញវីដេអូ Trailer ព្រមទាំងត្រៀមដាក់បញ្ចាំងជូនប្រិយមិត្តទស្សនាហើយ។

ភាពយន្តនេះ ផលិតឡើងដោយ ផលិតករល្បីឈ្មោះ វង្ស ពិសិដ្ឋ ដែលលោក បានសម្រេចចិត្តសហការជាមួយដៃគូមួយចំនួន ចេញផលិតភាពយន្តដោយខ្លួនឯងតែម្ដង ខណៈកន្លងមក លោកធ្លាប់តែផលិតរឿងអោយគេនោះ។

លោក វង្ស ពិសិដ្ឋ បានថ្លែងអោយដឹងថា ភាពយន្តរឿង "គ្រូប៊ីអាយជី" គឺជារឿងដែលលោកចំណាយដើមទុនផលិត ក្រោមការចាប់ដៃជាមួយផលិតកម្មជាដៃគូ និងក្រុមការងារផ្សេងទៀត តាំងពីរង្វង់១ឆ្នាំមុនមកម្ល៉េះ ប៉ុន្តែមកពីភាពយន្តនេះ សម្រិតសម្រាំងច្រើន ដោយមានប្លង់ខ្លះត្រូវថតឡើងវិញ និងកែកុនបច្ចេកទេសច្រើនទៀត ទើបត្រូវចំណាយពេលយូរបែបនេះ។

លោក វង្ស ពិសិដ្ឋ និង ម៉ារ៉ា ប៊ុណ្ណា

យ៉ាងណា លោកថា លោកគ្រាន់តែចង់ភាពយន្តនេះមានស្ដង់ដារ ទាំងសាច់រឿង សំឡេង និងប្លង់ថត ប៉ុណ្ណោះ។ រឿងនេះ ប្រមូលផ្ដុំគ្នាសុទ្ធតែតារាល្បីៗរួមមាន អ្នកនាង សុខ សោម៉ាវត្តី លោក ជា សុវណ្ណនរាហ៍ នាយក្រិន និង លោក ប៊ីអាយជី ជាដើម។ ងាកមកផ្ទៃរឿងទៀតសោត មានគ្រប់រសជាតិ ទាំងភ័យរន្ធត់ សើចហៀរទឹកភ្នែក និងមនោសញ្ចេតនាស្នេហាក្នុងផ្ទៃរឿងតែមួយ។

ថ្លៃងនៅក្នុងសន្និសីទកាសែតម្សិលមិញ លោក ម៉ារ៉ា ប៊ុណ្ណា ដែលជាដៃគូសហការ និងជាតារាចម្រៀងមួយរូបផង ប្រាប់ថា ភាពយន្តមួយនេះ បានកំណត់ដាក់បញ្ចាំងគ្រប់រោងនៅថ្ងៃទី ៩ មករា ឆ្នាំ២០២០ ក្នុងនោះ ថវិកាចំណេញពីការលក់សំបុត្រ២០ភាគរយ នឹងបរិច្ចាគជូនមន្ទីរពេទ្យគន្ធបុប្ផា និង ជូនមូលនិធិចាស់ជរា របស់សមាគមលោក ហេង ឡុង ថែមទៀត។

តោះ...ឥឡូវមកទស្សនាវីដេអូ Trailer ទាំងអស់គ្នាសិន!