- 2020-07-23 02:32:55
- ជីវិតតារា
មានរឿងច្រើនយ៉ាងនេះ! ទើបតារាចម្រៀង G-devith រត់ទៅបួសចោលសង្សារក្មេងខ្ចី
- 2020-07-23 02:32:55
- ចំនួនមតិ 0 | ចំនួនចែករំលែក 0
មានរឿងច្រើនយ៉ាងនេះ! ទើបតារាចម្រៀង G-devith រត់ទៅបួសចោលសង្សារក្មេងខ្ចី
ចន្លោះមិនឃើញ
ក្រោយពីធ្វើពិធីបំបួសនាគបង្កនាំឲ្យមានការភ្ញាក់ផ្អើលកាលពីថ្ងៃម្សិលមិញ នៅថ្ងៃនេះតារាចម្រៀង ងួន ចាន់ដេវីត នឹងគ្រងស្បង់ចីវរជាសាមណេរ ហើយលោកនឹងលះបង់ភាពជាប់ជំពាក់ទាំងឡាយក្នុងផ្លូវលោកដែលសូម្បីតែទូរស័ព្ទលោកថាមិនទាំងប្រើផង។
ចំពោះទូរស័ព្ទដៃ និងហ្វេសប៊ុកផេករបស់លោក G-devith ត្រូវបានប្រគល់ជូនកញ្ញា ទេព បូព្រឹក្ស ដែលជាគូរស្នេហ៍កាន់ជំនួសរហូតដល់លោកលាចាកសិក្ខាបទវិញ។ G-devith បញ្ជាក់ថា រូបលោកមានឱកាសនិយាយតាមបណ្ដាញសង្គមតែម្ដងនេះទៀតទេនៅអំឡុងពេលដែលលោកបួស។
លោក ងួន ចាន់ដេវីត"ចាប់ពីពេលដែលខ្ញុំគ្រងស្បង់ចីវរទៅ ខ្ញុំនឹងលះបង់លែងកាន់លុយ ទូរស័ព្ទ ហើយព្យាយាមដើរឲ្យត្រូវមាគ៌ាព្រះពុទ្ធជាម្ចាស់ដែលបានណែនាំសត្វលោក ដើម្បីហ្វេនទាំងគ្នា ដើម្បីគ្រួសារ និងដើម្បីខ្លួនឯងផងដែរ”
ទោះជាយ៉ាងណាលោក G-devith មិនបានបញ្ជាក់ថាលោកសាងផ្នួសនៅវត្ដណា ហើយនឹងបួសរយៈពេលប៉ុន្មាននៅឡើយទេ។
តារាចម្រៀងកំពុងពេញនិយមសម្រាប់យុវវ័យរូបនេះ បានប្រាប់ពីមូលហេតុដែលលោកចេញសាងផ្នួសថា រយៈពេលចុងក្រោយនេះរូបជួបរឿងមិនសប្បាយចិត្តជាច្រើន ហើយអារម្មណ៍វិលវល់។លោកជឿថាអ្នកគាំទ្រលោកនឹងសប្បាយចិត្ដនូវបុណ្យកុសល្យដែលលោកកំពុងបំពេញនេះ ហើយរស់នៅបានសុខកាយសប្បាយចិត្ដ។ រីឯអ្នកដែលធ្លាប់ច្រណែន ឬស្អប់លោកវិញក៏លោកសូមអហោសិកម្មចាប់ពីពេលនេះទៅដែរ ដោយលោកលះបង់ចិត្តគុំកួនចាប់ពីពេលនេះ៕