- 2021-04-27 08:33:51
- ចម្រៀង
មើលឡើងព្រឺសម្បុរ វីដេអូសាច់រឿងស្នេហាយុវវ័យនៃបទចម្រៀង ១បទនេះរបស់តារាចម្រៀង រិទ្ធិ ប្រុសពៅ
- 2021-04-27 08:33:51
- ចំនួនមតិ 0 | ចំនួនចែករំលែក 0
មើលឡើងព្រឺសម្បុរ វីដេអូសាច់រឿងស្នេហាយុវវ័យនៃបទចម្រៀង ១បទនេះរបស់តារាចម្រៀង រិទ្ធិ ប្រុសពៅ
ចន្លោះមិនឃើញ
វីដេអូចម្រៀងថ្មីមួយរបស់តារាចម្រៀង រិទ្ធិ ប្រុសពៅ បានលេចឡើងលើប្រព័ន្ធយូធូប ថ្មីៗនេះ ហើយបច្ចុប្បន្ន កំពុងទទួលបានការចាប់អារម្មណ៍ ដោយសារតែសាច់រឿងខ្លីនៅក្នុងបទចម្រៀង ធ្វើឲ្យចាក់បេះដូងយុវវ័យ។
វីដេអូចម្រៀងដែលទើបចេញក្តៅៗនេះ មានចំណងជើងថា "បើគ្មានបងអូននឹងសប្បាយចិត្ត” ដែលនិយាយពីសាច់រឿងស្នេហាស្រួចស្រាល់ចាក់ចំបេះដូងក្រុមយុវវ័យមួយ។ រិទ្ធិ ប្រុសពៅ បានទាញអារម្មណ៍អ្នកស្តាប់បទចម្រៀងថ្មីនេះឲ្យស្លុងទៅតាមអត្ថន័យនៃសាច់រឿង ដ៏ជក់ចិត្ត។
បទចម្រៀងនេះត្រូវបានផលិតដោយផលិតកម្ម One Shot Media និងដឹកនាំសម្តែងដោយលោក រិទ្ធិ អូមេហ្គាដែលគេដឹងថាជាអ្នកដឹកនាំមានស្នាដៃច្រើន។ ដូច្នេះហើយ ក្រោយបញ្ចេញភ្លាមបទថ្មីនេះភ្លាម ទទួលបានការកោតសរសើរច្រើនពីអ្នកគាំទ្រ និងមានការចែករំលែកជាហូរហែ។ កាន់តែធ្វើឲ្យគេចាប់អារម្មណ៍គឺបទចម្រៀងនេះត្រូវបានចូលរួមសម្តែងដោយអតីតប្រុសស្អាត Freshie Boy ឆ្នាំ ២០០៦ គឺលោក ថៃ នរៈពិទូ ដែលលោកបានបាត់មុខពីការងារសិល្បៈ អស់ជាច្រើនឆ្នាំកន្លងមកហើយ។
លោក ពិទូ បានចាប់ដៃគូសម្ដែងជាតួស្រីវ័យក្មេងដ៏ស្រស់ស្អាតមួយរូប ឈ្មោះ ម៉ូនីតា។ យុវតីរូបនេះត្បិតថាជាជើងថ្មី ក៏ពិតមែនប៉ុន្តែទេពកោសល្យនៃការសម្ដែងរបស់នាង គឺធ្វើបានល្អ ធ្វើឲ្យសាច់រឿងទាំងមូលក្នុងបទចម្រៀង បង្កប់នូវចំណុចទាក់ទាញទាំងព្រម ពោលគឺទាំងការសម្ដែងរបស់តួអង្គ និងខ្លឹមសារសាច់រឿង ក៏ចាក់ដោតបេះដូងយុវវ័យ។
ងាកមកតារាចម្រៀងឯណេះវិញ គេនៅចាំបានដែរថា កន្លងទៅតារាចម្រៀង រិទ្ធិ ប្រុសពៅ ធ្លាប់បានអះអាងថា លោកនឹងច្រៀងតែបទចម្រៀងមនោសញ្ចេតនា តែប៉ុណ្ណោះ ហើយអត្តសញ្ញាណរបស់លោកដែលប្រិយមិត្តអាចងាយស្រួលចាំបាន គឺការច្រៀងរៀបរាប់អំពីតែអតីតសង្សារចាស់នោះតែម្តង។ តោះ...ឥឡូវទស្សនា សាច់រឿងនៃវីដេអូចម្រៀងនេះទាំងអស់គ្នា៖
