• 2021-08-20 03:26:40
  • ភាពយន្ត

ភាពយន្ត​ខ្លី​ខ្មែរចំនួន៧រឿង ជាប់ជម្រើសក្នុងការប្រកួត​ CSFFឆ្នាំ​២០២១ នេះ

  • 2021-08-20 03:26:40
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មហោស្រព​ភាពយន្ត​ខ្លី​ចតុមុខ ហៅ​កាត់​ថា CSFF បាន​ប្រកាស​បើក​ទទួល​ពី​សមិទ្ធិករ​ដើម្បី​ចូល​រួម​ប្រកួត​តាំង​ពី​ដើម​ខែ​មីនា ឆ្នាំ​២០២១។ CSFF ឆ្នាំទី១០នេះ នឹង​បូក​បញ្ចូល​ភាពយន្ត​ខ្លី​ដែល​បាន​ដាក់​មក​ពី​ឆ្នាំ​២០២០ ដែល​ខកខាន​ដោយវិបត្តិកូវីដ១៩​ដែរ។ ដោយសារ​តែ​វិបត្តិ​នេះ នៅ​តែ​បន្ត​មិន​ស្រាកស្រាន្ត ទើប​កម្មវិធី​ឆ្នាំ​នេះ នឹង​ប្រព្រឹត្ត​ទៅ​តាម​Onlineទាំងស្រុង។

CSFF បាន​ចេញ​សេចក្ដី​ប្រកាស​ព័ត៌មាន​មួយ​កាល​ថ្ងៃទី១៩ ខែ​សីហា ថា បន្ទាប់​ពី​ឆ្លង​កាត់​ដំណាក់កាល​ជ្រើសរើស និង​ចរចា​ក្នុង​ការ​បញ្ចាំង​រឿង​តាមonlineយ៉ាង​ស្វិតស្វាញ CSFF បានសម្រេច​ជ្រើសរើសយករឿងចំនួន៧ ដើម្បីប្រកួត។

រឿងដែលបានដាក់មកសម្រាប់​ប្រកួត​ក្នុងកម្មវិធីលើកនេះ គឺមាន​សរុប​២៨៥ រឿង ក្នុង​នោះ​មាន​៨៨​រឿង ត្រូវ​បាន​ជ្រើស​រើស​ចេញ​ពី​រឿង​ដែល​សមិទ្ធិករ​បាន​ដាក់​កាល​ពី​ឆ្នាំ​២០២០។ ចំណែកភាពយន្តបរទេសវិញ សរុបទាំងអស់មានចំនួន២១២រឿង ក្នុងនោះភាពយន្តប្រឌិតមានរឿង១៦៥។

សូមបញ្ជាក់ដែរថា ក្រៅពីរឿងសម្រាប់ប្រកួត CSFFនឹងធ្វើការចាក់បង្ហាញរឿងផ្សេងៗទៀត តាមប្រភេទដូច ខាងក្រោម៖ ៣. ភាពយន្តខ្លីកម្ពុជា សម្រាប់ចាក់បង្ហាញ (Cambodian Showcase) ៤. ភាពយន្តខ្លីអន្តរជាតិ សម្រាប់ចាក់បង្ហាញ (International Showcase) ៥. ភាពយន្តឯកសារកម្ពុជា សម្រាប់ចាក់បង្ហាញ (Cambodian Documentary Showcase) ៦. ភាពយន្តឯកសារអន្តរជាតិ សម្រាប់ចាក់បង្ហាញ (International Documentary Showcase) ៧.  វីដេអូតន្រ្តី សម្រាប់ចាក់បង្ហាញ (Music Video Showcase) ៨. ភាពយន្តខ្លីថ្មីពី«ក្រុមភាពយន្តឈូករ័ត្ន» (SFA Showcase) ៩. ភាពយន្តពីគម្រោងពិសេស សម្រាប់ចាក់បង្ហាញ (Special Project Showcase)

មហោស្រព​ធំ​របស់​CSFF ឆ្នាំ​នេះ នឹង​ប្រព្រឹត្តទៅ​ចាប់​ពី​ថ្ងៃ​ទី២៣ ដល់​ថ្ងៃ​ទី២៧ ខែ​តុលា ឆ្នាំ​២០២១។ រាល់​ការ​ចាក់​បញ្ចាំង​រឿង និង​កម្មវិធី​ផ្សេងៗ នឹង​ប្រព្រឹត្ត​ទៅ​តាម​រយៈ Facebook Page របស់CSFF។ CSFF មាន​ការ​គាំទ្រ​ពី​ស្ថាប័ន​ក្នុង​ស្រុក​ចំនួន​៥ គឺ៖ ក្រសួង​វប្បធម៌ និង​វិចិត្រសិល្ប ក្រសួងព័ត៌មាន Sabay News FilmTalk Cambodia និងAlien Express។ រីឯ​ស្ថាប័ន​អន្តរជាតិ​ដែល​គាំទ្រ​កម្មវិធី​នេះ​មាន​២ គឺSEA Junction និងCulture360៕

អត្ថបទ៖​ ជិន​ សុភ័ក្ដ្រ

មតិយោបល់
អត្ថបទពេញនិយម