- 2024-01-03 02:43:31
- ជីវិតតារា
មិនមែនគូស្នេហ៍ដើមឆ្នាំ តែតារាកូរ៉េ ៧គូសុទ្ធតែត្រូវ Dispatch ចាប់បាននៅនឹងកន្លែងថាទាក់ទងគ្នា
- 2024-01-03 02:43:31
- ចំនួនមតិ 0 | ចំនួនចែករំលែក 0
មិនមែនគូស្នេហ៍ដើមឆ្នាំ តែតារាកូរ៉េ ៧គូសុទ្ធតែត្រូវ Dispatch ចាប់បាននៅនឹងកន្លែងថាទាក់ទងគ្នា
ចន្លោះមិនឃើញ
ឆ្នាំថ្មីចូលមកដល់ អ្វីដែលគ្រប់គ្នាចាំអ៊ុតជាងគេគឺ មុខមាត់គូស្នេហ៍ថ្មីនៃតារាកូរ៉េដែលត្រូវបាន Dispatch ទម្លាយពីទំនាក់ទំនងស្នេហា ក្រោយចាប់បាននៅនឹងកន្លែងថាលួចទាក់ទងគ្នា។ ទោះជាយ៉ាងណា ឆ្នាំនេះសេចក្ដីប្រកាសហាក់យឺតជាងរាល់ឆ្នាំ ប៉ុន្តែគ្រប់គ្នានៅតែមិនដកថយការរង់ចាំរបស់ខ្លួន ព្រោះកន្លងមក Dispatch ក៏ធ្លាប់មានបទពិសោធបង្ហាញមុខគូស្នេហ៍ផ្សេងទៀតនៅពេលវេលាខុសពីដើមឆ្នាំដែរ ដូចមានតារាខាងក្រោមជាឧទាហរណ៍ស្រាប់៖
១. Kang Daniel និង Jihyo (TWICE)
នៅថ្ងៃទី០១ ខែសីហា មានសេចក្ដីរាយការណ៍ដ៏ភ្ញាក់ផ្អើលមួយថា Kang Daniel និង Jihyo (TWICE) មានទំនាក់ទំណងស្នេហានឹងគ្នា។ គូស្នេហ៍ទាំងពីរ ត្រេះបានគេឃើញថាបានណាត់ជួបគ្នា ហើយជិះឡានរបស់ស្រី តម្រង់ទៅផ្ទះខាងប្រុស។ ទោះជាយ៉ាងណារយៈពេលខ្ទង់ ១ ឆ្នាំ ៣ខែ ស្នេហានមួយនេះក៏ត្រូវបែកបាក់។
២. Lee Do Hyun និង Lim Ji Yeon
គូស្នេហ៍ទាំងពីរ ត្រូវ Dispatch ចាប់បានថាណាត់ជួបគ្នាកាលពីខែមីនា ឆ្នាំ ២០២៣។ រហូតដល់ ១ ខែ ក្រោយពួកគេក៏បានទទួលស្គាល់ថាពិតជាទាក់ទងស្រឡាញ់គ្នាមែន។
៣. Zico (Block B) និង Seolhyun (អតីតសមាជិកក្រុម AOA)
សារព័ត៌មានភ្នែកម្នាក់មួយនេះបានចេញព័ត៌មានថា តារាប្រុសស្រីទាំងពីរបានទាក់ទងគ្នាស្ងាត់ៗ ហើយក្រោយមកក្រុមហ៊ុនរបស់ពួកគេក៏បានប្រកាសរៀងខ្លួនថាជាការពិត។ គួរឲ្យសោកស្ដាយដែរ ដោយខ្ទង់ ៦ខែ ក្រោយពួកគេក៏ចែកផ្លូវគ្នា។
៤. Kim Jung Hyun និង Seo Ji Hye
នៅក្នុងខែមេសា ឆ្នាំ២០២១ Dispatch ព្រលយថា តួសម្ដែងរួមគ្នាក្នុងរឿង «Crash Landing On You» គឺ Kim Jung Hyun និង Seo Ji Hye បានទាក់ទងស្រឡាញ់គ្នាជាង ១ឆ្នាំ ហើយ។ ប៉ុន្តែក្រោយមកពួកគេក៏ចែកផ្លូវគ្នា និងមានរឿងចម្រូងចម្រាសជាច្រើន។
៥. Ahn Bo Hyun និង Jisoo (BLACKPINK)
កាលពីខែសីហា ឆ្នាំ ២០២៣ Dispatch ប្រកាសថា Jisoo និង Ahn Bo Hyun ទាក់ទងស្រឡាញ់គ្នា។ ប៉ុន្តែមិនយូរប៉ុន្មានចំណងស្នេហ៍នេះក៏ទន់ខ្សោយ រហូតឈានដល់ផ្លូវបែកតែម្ដងនៅឆ្នាំតែមួយ។
៦. Park Min Young និង អ្នកជំនួញមុខមាត់ធំ Kang Jong Hyun
ទំនាក់ទំនងស្នេហារបស់តារាស្រីរូបនេះ ជាមួយនឹងថៅកែក្រុមហ៊ុន Bithum ត្រូវបានទម្លាយកាលពីខែកញ្ញា ឆ្នាំ ២០២២ ប៉ុន្តែស្របពេលជាមួយគ្នានោះក្រុមហ៊ុនរបស់នាងក៏បានចេញសេចក្ដីថ្លែងការណ៍ថា ពួកគេបែកគ្នាយូរហើយ។
៧. Baekhyun (EXO) និង Taeyeon (Girls’ Generation)
រម្លឹកទៅកាលពី ឆ្នាំ ២០១៤ Dispatch បានធ្វើឲ្យពិភព K-Pop កក្រើកចង់ផ្ទុះ ពេលប្រកាសពីទំនាក់ទំនងស្នេហា ព្រមជាមួយនឹងការបង្ហាញរូបភាពណាត់ជួបគ្នារបស់ Baekhyun និង Taeyeon ពេលណាត់ជួបគ្នាពេលយប់។ ស្នេហាស្ថិតក្នុងសភាពស្រពិចស្រពិល រហូតមានការសង្ស័យថាជាឆាកល្ខោនដែល SM រៀបចំនេះក៏ត្រូវបាន បញ្ចប់ជាស្ថាពរនៅខែកញ្ញា ឆ្នាំ ២០១៥៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB