- 2017-01-03 02:31:51
- ភាពយន្ត
ណែនាំគូស្នេហ៍ពិសេសទី៣ក្នុងរឿង "ស្នេហ៍ស្វ័យគុណ៤"
- 2017-01-03 02:31:51
- ចំនួនមតិ 0 | ចំនួនចែករំលែក 0
ណែនាំគូស្នេហ៍ពិសេសទី៣ក្នុងរឿង "ស្នេហ៍ស្វ័យគុណ៤"
ចន្លោះមិនឃើញ
កាលពីសប្ដាហ៍មុន Sabay បានបង្ហាញគូស្នេហ៍ទី២ក្នុងរឿង "ស្នេហ៍ស្វ័យគុណ៤" រួចមកហើយ។ ដោយឡែកថ្ងៃនេះក្រុមការងារ នឹងនាំអារម្មណ៍ប្រិយមិត្តក៏ដូចជាអ្នកគាំទ្រទាំងអស់ទៅស្គាល់គូស្នេហ៍ពិសេសទី៣ វិញម្ដង។
សុធា អ៊ីណែស ជាអ្នកនិពន្ធ "ស្នេហ៍ស្វ័យគុណ៤" បានលើកឡើងថា គូស្នេហ៍ទី៣នេះគឺជាស្នេហាត្រីកោណរវាង សាមឌី សិលា និង ឃ្លិន។ សាមឌី ជាអ្នកនិពន្ធមានស្វាមីជា សិលា មុខរបរជាប៉ូលីស សំងាត់ ធ្វើការនៅ ខេត្តកែប។ អ្នកទាំងពីរ ជួបគ្នារាល់ ថ្ងៃសុក្រ សៅរ៍ អាទិត្យ តែប៉ុណ្ណោះ។ សាមឌីមិនអាចទៅរស់នៅ ខេត្តកែប ជាមួយស្វាមីបាននោះទេ ព្រោះត្រូវមើលថែម្ដាយក្មេក នៅភ្នំពេញ។
អ្នកនិពន្ធបន្តទៀតថា ថ្ងៃមួយ ឃ្លិន ដែលជាអតីតគូស្នេហ៍របស់ សាមឌី ដែលនៅអាមេរិក បានមកលេងស្រុកខ្មែរ និងចង់រកស៊ីនៅស្រុកខ្មែរ ។ សាមឌី នាំ ឃ្លិន ដើរលេងទៅមើលទីតាំងរកស៊ី នៅកំពត និង កែប ដោយ ឆ្លៀតពេល ទៅមើល ស្វាមីនៅទីនោះដែរ។ ភ្លាមៗនោះ សាមឌី និង ឃ្លិន នឹកឃើញរឿងចាស់ឡើង មកវិញ។ នៅពេលសិលាមកឃើញអ្នកទាំងពីរ ស្និទ្ធស្នាលគ្នា គេកើតក្តីប្រច័ណ្ឌ យ៉ាងខ្លាំង រួចដើរចេញពី សាមឌី។ ឃ្លិន ឃើញដូច្នេះ ក៏សម្រេចចិត្តចាកចេញ ពីស្រុកខ្មែរ។ តើក្តីស្រលាញ់ អាចឈ្នះក្តីប្រច័ណ្ឌបានឬទេ? ចុះបើការសម្រេចចិត្តមួយភ្លែតរបស់អ្នក អាចនឹងធ្វើអោយអ្នកលែង បានជួបមុខ មនុស្សដែលអ្នកស្រលាញ់តែម្នាក់នោះ? តើស្នេហារបស់អ្នកមានតម្លៃយ៉ាងណា?
កុំភ្លេចតាមដានរឿងរ៉ាវរបស់គូស្នេហ៍ទី៤ ទៀត និងរង់ចាំទស្សនារឿង "ស្នេហ៍ស្វ័យគុណ៤" ទាំងអស់គ្នានៅថ្ងៃទី ១៩ មករាទាំងអស់គ្នាណា៕
