- 2017-03-07 07:40:10
- ភាពយន្ត
ស្រីស្អាត ម៉ៃយ៉ា ត្រៀមធ្វើកូនអ្នកមានឆាប់ៗ
- 2017-03-07 07:40:10
- ចំនួនមតិ 0 | ចំនួនចែករំលែក 0
ស្រីស្អាត ម៉ៃយ៉ា ត្រៀមធ្វើកូនអ្នកមានឆាប់ៗ
ចន្លោះមិនឃើញ
តារាសម្ដែងសាច់សខ្ចី កញ្ញា ម៉ៃយ៉ា បានបង្ហើបឲ្យដឹងថា ឆាប់ខាងមុខនាងនិងសម្ដែងភាពយន្ត១រឿងឲ្យស្ថានីយទូរទស្សន៍ប៉ុស្តិ៍លេខ៥ មានចំណងជើងថា"កូនក្រមុំថៅកែត្បូង"។
រឿង"កូនក្រមុំថៅកែត្បូង"ជាប្រភេទរឿងភាគ ដែលមានទាំងអស់៣០ភាគ គ្រោងចេញថតនៅ ពាក់កណ្ដាលខែ មិនា ឆ្នាំ ២០១៧ ខាងមុខនេះ។ នេះជាលើកដំបូងហើយដែលម៉ៃយ៉ាបានចូលសម្ដែងឲ្យ ស្ថានីយទូរទស្សន៍ប៉ុស្តិ៍លេខ៥ ចាប់តាំងពីតារាស្រីរូបនេះប្រលូកសិល្បៈជិត២ឆ្នាំមកនេះ។
ម៉ៃយ៉ា ប្រាប់ថា រឿងខាងលើ នាងគឺជាកូនអ្នកមានទ្រព្យស្ដុកស្ដម្ភម្នាក់ ដែលមានឪពុកជាថៅកែត្បូង ហើយមានអត្តចរិតថ្លៃថ្នូរ។ តារាស្រីរូបនេះមិនបានចាំសាច់រឿងអស់នៅឡើយទេ ប៉ុន្តែនាងដឹងថា ប្លង់ថតភាគច្រើនធ្វើឡើងនៅ ខេត្តប៉ៃលិន។
តាមការលើកឡើងរបស់មៃយ៉ា រឿង"កូនក្រមុំថៅកែត្បូង" មិនទាន់ជ្រើសរើសបានតួឯកប្រុសនៅឡើយទេ បច្ចុប្បន្នខាងអ្នកដឹកនាំកំពុងតែធ្វើតេសតួនៅឡើយ។
ប្រសិនបើមិនមានការប្រែប្រួលទេ ខ្សែភាពយន្តខាងលើនឹងក្លាយជារឿងទី៥ហើយរបស់នាងហើយ បន្ទាប់ពីតារាស្រីរូបនេះប្រលូកលើវិថីសិល្បៈជិត២ឆ្នាំមកនេះ។
ភាពយន្ត៤ផ្សេងទៀតដែលនាងធ្លាប់ថតមានដូចជា ទី១រឿង"ភូមិខ្ញុំក្រមុំឆ្នាស" ឲ្យស្ថានីយទូរទស្សន៍បាយ័ន ទី២ រឿង"កំហឹងអ្នកស្រុក" ឲ្យស្ថានីយMy TV ទី៣ រឿង"កញ្ញាអំពិលផ្អែម" ឲ្យស្ថានីយPNN និងទី៤ រឿង"ទាយាទអាគម" ភាពយន្តខ្នាតធំគ្រោងចាក់បញ្ចាំងក្នុងពេលឆាប់នេះ៕
