- 2017-10-05 01:53:49
- ភាពយន្ត
កុំកុំ ប៉ះ លីតឺហួរ លើកដំបូងជាប្រវត្តិសាស្ត្រក្នុងរឿងថ្មី ដឹងតែកក្រើកហើយ!
- 2017-10-05 01:53:49
- ចំនួនមតិ 0 | ចំនួនចែករំលែក 0
កុំកុំ ប៉ះ លីតឺហួរ លើកដំបូងជាប្រវត្តិសាស្ត្រក្នុងរឿងថ្មី ដឹងតែកក្រើកហើយ!
ចន្លោះមិនឃើញ
នេះជារឿងអស្ចារ្យមិនធ្លាប់មានពីមុនមក និងជាប្រវត្តិសាស្ត្រថ្មីរបស់តារាសម្ដែងដ៏មានភាពល្បីល្បាញ ២រូបគឺ Donnie Yen និង Andy Lau ដែលចាប់ដៃគ្នាសម្ដែងក្នុងភាពយន្តថ្មី។
រឿងថ្មីដែលមានចំណងជើងថា «Chasing the Dragon» ត្រូវបានចាត់ទុកថា ជាស្នាដៃភាពយន្តលើកដំបូងបង្អស់ ដែលជាការសហការគ្នា រវាងតួឯកធំៗ ២គឺ Donnie Yen (កុំកុំ) និង Andy Lau (លី តឺហួរ)។ ក្នុងរឿងនោះលោក Andy Lau ត្រូវដើរតួជាប៉ូលិស Lee Rock ខណៈ Donnie ដើរតួជាស្ដេចគ្រឿងញៀន។
យ៉ាងណាមិញ បើទោះបីមិនធ្លាប់ធ្វើការជាមួយគ្នាក៏ពិតមែន ប៉ុន្តែអ្នកទាំង២តែងតាមដានព័ត៌មានថ្មី ពីគ្នាជានិច្ច។ រហូតដល់ពេលបានរួមសហការ ការងារជាមួយគ្នាទៀត Donnie ក៏បាននិយាយថា៖ "កាលពី ៣៥ឆ្នាំមុន ខ្ញុំគិតថា Lee Rock (Andy Lau) ជាប្រុសសង្ហាខ្លាំង ប៉ុន្តែនៅពេលបានឃើញផ្ទាល់ ខ្ញុំទទួលស្គាល់ថា លោកស័ក្ដិសមជាប្រុសល្អពិតមែន”។
នៅពេលឮពាក្យសរសើរបែបនេះហើយ Andy ក៏ផ្ទុះសំណើច និងបាននិយាយបែបកំប្លែងថា៖ "ខ្ញុំប្រែមែន ហើយកាន់តែល្អគន់មែន”។
គួរបញ្ជាក់ផងដែរថា ស្នាដៃដែលជាការរួមសហការគ្នារវាង តារាប្រុសកំពូល២រូបនេះ នឹងធ្វើឲ្យកក្រើកវិស័យភាពយន្តហុងកុង ព្រោះតាមរយៈកេរ្តិ៍ឈ្មោះ និងសមត្ថភាពសម្ដែងកន្លងមក បានធ្វើឲ្យមហាជនជាច្រើនគាំទ្រយ៉ាងច្រើន៕
ចុចអាន៖
