ពិសេសមែន រឿង"ធ្មប់" ស្វែងរកទីផ្សារនៅចិន

2017-11-22 07:02:59
ភាពយន្ត

2017-11-22 07:02:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តខ្នាតធំរឿង"ធ្មប់" មិនទាន់បានដាក់បញ្ចាំងនៅកម្ពុជាផង តែហក់ទៅរកទីផ្សារនៅប្រទេសចិនមុនបាត់ទៅហើយ។

ចំណុចទាក់ទាញពិសេសធ្វើឲ្យផលិតករលោក ហ៊ុយ យ៉ាឡេង ស្វែងរកទីផ្សារនៅប្រទេសចិនដើម្បីដាក់បញ្ចាំងរឿង "ធ្មប់" ដោយសារតែរឿងនេះជាប្រភេទភាពយន្តបែបបុរាណ ភ័យរន្ធត់ បង្ហាញពីវប្បធម៌ប្រពៃណី ជាពិសេសសម្លៀកបំពាក់ខ្មែរនាសម័យកាលនោះ។ លោកសង្ឃឹមថាស្នាដៃថ្មីនេះ នឹងទទួលបានការគាំទ្រពីទស្សនិកជន ព្រោះតែជឿជាក់ លើការដឹកនាំសម្ដែងរបស់លោកកន្លងមកមានដូចជារឿង"ខ្មោចដើមចេកជ្វា" និងរឿង"វិកលចរិត" ដែលទទួលបានពាននៅប្រទេសចិន កាលពីពេលថ្មីៗ។

ចាងហ្វាងផលិតកម្មមាតុចក្របន្តថា ការស្វែងរកទីផ្សារនៅប្រទេសចិនមុនថ្ងៃដាក់បញ្ចាំងនេះ មិនបានន័យថារឿង "ធ្មប់" បញ្ចាំងនៅចិន មុនកម្ពុជាឡើយ ឆ្លៀតក្នុងឱកាសមកធ្វើបទបង្ហាញទីផ្សារលក់កុននៅប្រទេសចិន លោកក៏ស្វែងរកទីផ្សារនៅទីនោះតែម្ដងទៅ ដើម្បីកុំឲ្យខាតពេលវេលាច្រើន។

ហ៊ុយ យ៉ាឡេង កំពុងស្វែងរកទីផ្សារបញ្ចាំងរឿង"ធ្មប់" នៅប្រទេសចិន

លោក ហ៊ុយ យ៉ាឡេង មានថ្លែងថា៖“ហើយមកដល់ពេលនេះ ខ្ញុំបានស្វែងរកដៃគូសហការនៅចិនបានម្នាក់ហើយ ខ្ញុំនឹងយកសាច់រឿងទាំងមូលឲ្យគាត់មើល មុននឹងយកមកបញ្ចាំងរោងភាពយន្តនៅប្រទេសចិន"។

រឿង "ធ្មប់" ត្រៀមនឹងចាក់បញ្ចាំងនៅរោងភាពយន្តទំនើបៗនៅរាជធានីភ្នំពេញនៅពាក់កណ្ដាលខែមករា ឆ្នាំ ២០១៨ នេះចូលរួមសម្ដែងដោយលោក ហុយ យ៉ាឡេង កញ្ញា ហ៊ិន ច័ន្ទនីរ័ត្ន លោក លឹម រដ្ឋា និងតារាសម្ដែងស្រីប្រុសជាច្រើនរូបទៀត៕