នាងគ្រត សម្លក់ តូតា ម៉ាទំហឹងនៅផ្សារ Aeon !
កាលពីសប្ដាហ៍មុនតារាកំប្លែងនាង គ្រត បានសម្លក់សម្លឹងទៅតារាសម្ដែងស្រីវ័យក្មេង ម៉ាក សែនសូនីតា ពេលឡើង show រឿង “ម្ទេសហិរ ប៉ះអំបិលប្រៃ” នៅផ្សារទំនើប Aeon ។
នៅក្នុងឱកាសជួបអ្នកគាំទ្រនៅក្នុងផ្សារទំនើបនោះ ក្រុមតារាសម្ដែងក្នុងរឿង "ម្ទេសហិរ ប៉ះអំបិលប្រៃ” បានឡើងសម្ដែងឈុតខ្លីមួយ ដែលនោះគឺជាឈុតពិសេសៗរវាងកូនប្រសា និងម្ដាយក្មេក។ គ្រាន់តែចាប់ផ្ដើមសម្ដែងបានបន្តិច តួម្ដាយក្មេកគឺអ្នកនាង គ្រត ដែលក្នុងសាច់រឿងមិនពេញចិត្តកូនប្រសា បានផ្ដើមដោយសម្លក់ តូតា តាំងពីក្បាលដល់ចុងជើង។
តារាដែលបានឡើងបង្ហាញក្នុងរឿង "ម្ទេសហឹរ ប៉ះអំបិលប្រៃ" មានដូចជា លោក អេវីន កញ្ញា តូតា អ្នកនាង គ្រត លោក ជា សំណាង និងតារាកិត្តិយសដទៃទៀត។ សម្រាប់ការបង្ហាញឈុតពិសេសៗទាំងនោះ បានទទួលការកោតសរសើរពីសំណាក់អ្នកគាំទ្រដែលបានទៅចូលរួមកម្មវិធីផ្ទាល់យ៉ាងច្រើនកុះករ។
រឿង "ម្ទេសហិរ ប៉ះអំបិលប្រៃ” នឹងបញ្ចាំងជូនទស្សនានៅស្ថានីយទូរទស្សន៍ PNN ចាប់ពីថ្ងៃនេះវេលាម៉ោង ៨ :០០ យប់ ដល់ម៉ោង ៩:០០ យប់រៀងរាល់ថ្ងៃ ច័ន្ទ អង្គារ ពុធ៕
អត្ថបទ៖ទ្រី រ៉ាវី
