/cs-01/662b2714d36ce_1714104060_medium.png)
- 2024-04-26 04:15:10
- ជីវិតតារា
បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម
- 2024-04-26 04:15:10
- ចំនួនមតិ 0 | ចំនួនចែករំលែក 0
បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម
ចន្លោះមិនឃើញ
តារាសម្ដែងជើងចាស់ បេ វណ្ណារ៉ា និងអ្នកនាង ព្រំ រដ្ឋា ទើបបានជួបគ្នាជាលើកដំបូង បន្ទាប់ពីអាក់ខានជួបមុខគ្នា និងបានប៉ះដៃគ្នាក្នុងនាមជាដៃគូសម្ដែងយ៉ាងសក្ដិសមក្នុងខ្សែភាពយន្ដចម្រៀង "ម៉ាក់ថឺង" ដែលល្បីខ្លាំងកាលពីអំឡុងឆ្នាំ២០០១។
តាមរយៈជំនួបពិសាអាហារសាមគ្គីជាមួយសិល្បករ-សិល្បការិនី និងសម្ដេចនាយករដ្ឋមន្ដ្រី កាលពីថ្ងៃទី២៥ ខែមេសា ឆ្នាំ២០២៤ បានបើកឱកាសឲ្យអតីតតារាសម្ដែងទាំងពីរដួងនេះជួបគ្នា។ ក្នុងឱកាសនោះអ្នកទាំងពីរ បានជួបជជែកគ្នាលេង ពិសាអាហារជាមួយគ្នា ព្រមទាំងបានថតរូបទុកជាអនុស្សាវរីយ៍ជាមួយគ្នាទៀតផង។
សម្រាប់ម្ចាស់ផលិតកម្ម PR អ្នកនាង ព្រំ រដ្ឋា ដែលបានដើរតួមើយចឺយ បានបង្ហោះសារដោយមានភ្ជាប់រូបថតពីរសន្លឹកបង្ហាញពីការរាក់ទាក់របស់ខ្លួនជាមួយអតីតដៃគូសម្ដែង គឺលោក បេ វណ្ណារ៉ា ថា៖ "គិតថា ១៥ឆ្នាំ តាមពិត ២៥ឆ្នាំបែកបងម៉ាក់ថឺង"។ ឆ្លើយតបនឹងសារនេះ លោក បេ វណ្ណារ៉ា ក៏បានចូលឆ្លើយតបយ៉ាងខ្លីវិញថា៖ "អរគុណ អូន មឺយ ជឺយ ជូនពរមានសុខភាព ល្អអាយុវែង"។
បើទោះបីជាតារាសម្ដែងទាំងពីរដួងមានវ័យជ្រេ ប៉ុន្ដែពួកគាត់នៅតែមានសម្រស់ស្រស់ស្អាត ហើយនៅមានលទ្ធភាពបានច្រើន។ ប៉ុន្ដែបច្ចុប្បន្នអ្នកនាង ព្រំ រដ្ឋា រវល់នឹងការងាររកស៊ី និងគ្រប់គ្រងផលិតកម្មផ្ទាល់ខ្លួន ហើយលោក បេ វណ្ណារ៉ា វិញ ក៏រវល់នឹងការងារផ្ទាល់ខ្លួន ហើយឆ្លៀតទទួលបានការងារសិល្បៈខ្លះៗផងដែរ៕
