- 2017-12-30 04:32:30
- ភាពយន្ត
ភាពយន្តចិនមានមហិច្ឆតាវ៉ាហូលីវូដ
- 2017-12-30 04:32:30
- ចំនួនមតិ 0 | ចំនួនចែករំលែក 0
ភាពយន្តចិនមានមហិច្ឆតាវ៉ាហូលីវូដ
ចន្លោះមិនឃើញ
នៅក្នុងឆ្នាំ២០១៧ ខ្សែភាពយន្ត ចំនួនប្រាំបី ក្នុងចំណោម២០រឿង ដែលរកចំណូលបានច្រើនបំផុតរបស់ពិភពលោកបានទៅលើក្រុមហ៊ុនផលិតភាពយន្តចិន និង ក្រុមហ៊ុនសហការរវាង ចិន-បរទេស។ នេះបើតាមការចុះផ្សាយរបស់ Global Times ថ្មីៗនេះ។
ចំណូលសរុបពីភាពយន្តចិនក្នុងឆ្នាំ២០១៧ ប្រមាណ ៥៣,៤ ប៊ីលានយ័ន (៨,១៥ ប៊ីលានដុល្លារ) កើនជាង១៧% បើធៀបនឹងឆ្នាំ២០១៦។ ប្រភពខាងលើបន្ត។
ចិនបានបង្កើតទីក្រុងសម្រាប់ផលិតភាពយន្តដ៏ធំបំផុតនៅលើពិភពលោកតាំងពីឆ្នាំ១៩៩៦ ដែលមានឈ្មោះថា Hengdian World Studios ឬ ហូលីវូដរបស់ចិន។ ទំហំសរុបជាង ១ ០១១ ហិចតា ដែលធំជាងក្រុមហ៊ុនផលិតភាពយន្តដ៏ធំបំផុតពីររបស់ហូលីវូដ គឺ Universal និងParamount បូកបញ្ចូលគ្នាទៅទៀត។ Hengdian World Studios នៅក្នុងខេត្តស៊ឺជាំង ចំងាយប្រហែល៣១៩ គីឡូម៉ែត្រ និង ស្ថិតនៅទិសនិរតីពីទីក្រុងសៀងហៃ។
គិតមកទល់បច្ចុប្បន្ន Hengdian World Studios មានភាពយន្ត និង រឿងភាគចិន ប្រមាណ ១ ២០០ រឿងហើយដែលបានថតនៅទីនោះ។ មិនត្រឹមតែជាទីក្រុងសម្រាប់ថតកុន Hengdian ថែមទាំងជាតំបន់ទេសចរណ៍ដ៏ទាក់ទាញ ដែលមានភ្ញៀវទេសចរមកទស្សនានៅទីនោះលើសពី ១០លាននាក់ក្នុង១ឆ្នាំៗ។ នេះបើតាមវេបសាយផ្លូវការរបស់ Hengdian World Studios៕
