ភាពយន្តភ័យរន្ធត់ព្រឺព្រួចទាំង ១០របស់កូរ៉េ មើលហើយធានាញាក់សាច់ទ្រើតៗ

2018-05-17 01:25:00
ភាពយន្ត

2018-05-17 01:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកដែលចង់ទស្សនាទស្សនីយភាពបែបភ័យរន្ធត់ ច្បាស់ជាត្រូវប៉ាន់ហើយពេលនេះ ព្រោះភាពយន្តកូរ៉េជាច្រើនកំពុងតម្រង់ជួរជាបន្តបន្ទាប់ បង្ហាញឈុតឆាកព្រឺព្រួចញាក់សាច់។

ខាងក្រោមជា បណ្ដាខ្សែភាពយន្តរន្ធត់របស់កូរ៉េទាំង ១០ ដែលធ្វើឲ្យអ្នកទស្សនាមើលហើយលែងហ៊ានគេងនៅទីងងឹតម្នាក់ឯង៖

១. រឿង "Gonjiam: Haunted Asylum” ចេញក្នុងឆ្នាំ ២០១៨

ខ្សែភាពយន្តភ័យរន្ធត់របស់កូរ៉េមួយរឿង និយាយពីដំណើរស្វែងរកទីកន្លែងដែលគេបោះបង់ចោលមួយ ហើយចូលរុករករបស់អាថ៌កំបាំងអ្វីមួយ ដើម្បីផ្សាយលើទូរទស្សន៍។

២. រឿង "The Wailing” ចេញក្នុងឆ្នាំ ២០១៦

ភាពយន្តមួយនេះ បង្កប់នូវទិដ្ឋភាពរស់នៅពិតៗរបស់ជនជាតិកូរ៉េ។ បង្ហាញពីភ្នំមួយកន្លែងរងនូវការវាយប្រហារពីគ្រោះធម្មជាតិដ៏អាថ៌កំបាំង ដែលបានធ្វើឲ្យមានមនុស្សស្លាប់ និងបង្កជាភាពច្រួលច្របល់ជាច្រើនក្នុងភូមិ។

៣. រឿង "The Silenced” ចេញក្នុងឆ្នាំ ២០១៥

នៅពេលក្មេងស្រីម្នាក់ចូលរៀនក្នុងសាលារៀននៅបរទេស នាងបានដឹងថាសិស្សជាច្រើនបានបាត់ខ្លួនជាបន្តបន្ទាប់។ ប្រការនេះ បានធ្វើឲ្យសិស្សថ្មីនោះ ចាប់ផ្ដើមស្វែងរកអាថ៌កំបាំងពីក្រោយការបាត់ខ្លួននោះ។

៤. រឿង "Don't Click” ចេញក្នុងឆ្នាំ ២០១២

និយាយពី វីដេអូឃ្លីបដ៏អាថ៌កំបាំងមួយ ដែលដាក់បណ្ដាសាអ្នកមើលវីដេអូនោះឲ្យស្លាប់។ រឿង "Don't Click” ទទួលបានការកោតសរសើរជាខ្លាំងពីសំណាក់អ្នកទស្សនា រហូតបានក្លាយជាភាពយន្តភ័យរន្ធត់ជាងគេប្រចាំឆ្នាំទៀតផង។

៥. រឿង "White: Melody of the Curse” ចេញ ក្នុងឆ្នាំ ២០១១

ជាសាច់រឿងនិយាយពីរឿងរ៉ាវក្នុងវិស័យ K-Pop ជាពិសេសក្រុមចម្រៀងនារីៗ។ ប៉ុន្តែហេតុការណ៍រន្ធត់ជាច្រើន បានលេចរូបរាងជាបន្តបន្ទាប់ ទាក់ទងគ្នារហូតមានរឿងស្មានមិនដល់។

៦. រឿង "Death Bell” ចេញក្នុងឆ្នាំ ២០០៨

បង្ហាញពីរឿងរ៉ាវភ័យខ្លាចទាក់ទងនឹងការប្រឡងឆមាស និងឃាតកម្មសាហាវៗក្នុងសាលា។

៧. រឿង "Cinderella” ចេញក្នុងឆ្នាំ ២០០៦

ឈុតឆាកតក់ស្លុតពីការវះកាត់កែសម្ផស្សនឹងបង្ហាញខ្លួនបន្តិចម្ដងៗក្នុងរឿង រហូតធ្វើឲ្យអ្នកទស្សនាព្រឺព្រួចមិនធម្មតា។

៨. រឿង "Witch Board” ចេញក្នុងឆ្នាំ ២០០៤

និយាយពីបណ្ដាសា ដែលអ្នកលេងល្បែងប្រពៃណីមួយប្រភេទរបស់កូរ៉េ មានឈ្មោះថា "Bunshinsaba” ត្រូវទទួល ដោយសារគេបានលលេងជាមួយខ្មោច។

**៩. រឿង "A Tale of Two Sisters” ចេញឆ្នាំ ២០០៣**

ភាពយន្តខ្នាតធំនេះ បានក្លាយជារឿងព្រឺព្រួច និងល្បីឈ្មោះទូទាំងប្រទេសកូរ៉េ ចាប់តាំងពីថ្ងៃចេញបញ្ចាំងដំបូង ហើយរហូតសហរដ្ឋអាមេរិកទិញសិទ្ធិយកទៅផលិតថ្មីទៀតផង។ "A Tale Of Two Sisters" ផលិតឡើងផ្អែកតាមព្រេងនិទានដែលស្ដែងចេញពីឧបសគ្គស្មុគស្មាញរបស់គ្រួសារចម្លែកមួយ។