- 2018-07-19 03:07:00
- ភាពយន្ត
"ស្នូរជើងអ្នកណា" ដាក់បញ្ចាំងជាផ្លូវការ ក្រោយចាយដើមទុនអស់រាប់ម៉ឺនដុល្លារ
- 2018-07-19 03:07:00
- ចំនួនមតិ 0 | ចំនួនចែករំលែក 0
"ស្នូរជើងអ្នកណា" ដាក់បញ្ចាំងជាផ្លូវការ ក្រោយចាយដើមទុនអស់រាប់ម៉ឺនដុល្លារ
ចន្លោះមិនឃើញ
ផលិតកម្ម Wonder Film បានសម្ពោធដាក់បញ្ចាំងភាពយន្តខ្នាតធំរឿង"ស្នូរជើងអ្នកណា" ជាផ្លូវការហើយ នៅផ្សារទំនើបអ៊ីអន២ សែនសុខ ល្ងាចមិញនេះ។ ក្រោយចាយដើមទុនរាប់ម៉ឺនដុល្លារអាមេរិកក្នុងការផលិត។
លោក សែម វិសាល ចាងហ្វាងផលិតកម្ម Wonder Film ឲ្យដឹងថា រឿង"ស្នូរជើងអ្នកណា" ជាស្នាដៃទី៣របស់លោក បន្ទាប់ពីរឿង"ប្រាសាទកំបាំងមុខ" និង"ផ្ទះចិញ្ចឹមខ្មោច"។ភាពយន្តខ្នាតធំថ្មីមួយនេះចាយដើមទុនផលិតចន្លោះពី ៧ម៉ឺន ទៅ ៨ម៉ឺនដុល្លារអាមេរិក ជាមួយបច្ចេកទេសប្លង់ថតភ្លឺច្បាស់ត្រជាក់ភ្នែកសម្រិតសម្រាំងទៅតាមស្តង់ដារអន្តរជាតិ ដោយគិតគុណភាពជាចម្បង។
"ចំពោះរឿងមួយនេះ យើងចំណាយដើមទុនក្នុងការផលិតអស់ច្រើនជាងរឿងមុនៗ ព្រោះយើងប្រើពេលវេលាថតយូរ។ ពិសេសទៅលើបច្ចេកទេសប្លង់ថតតែម្ដង គឺយើងធ្វើទៅតាមស្តង់ដារអន្តរជាតិ បានជាចាយដើមទុន ៧ទៅ ៨ម៉ឺនដុល្លារដូច្នេះ"។ សែម វិសាល ថ្លែងបញ្ជាក់។
"ស្នូរជើងអ្នកណា" ជាប្រភេទខ្សែភាពយន្តខ្មោចបែបភ័យរន្ធត់លងបន្លាចព្រឺព្រួច លាយឡំជាមួយឈុតឆាកកំប្លែង និងមានចំណុចអប់រំច្រើន ទៅលើស្ត្រីឲ្យចេះក្រោកឈរក្លាហានឡើងដើម្បីតទល់ជាមួយការពិត។ ចូលរួមសម្ដែងដោយលោក សេម អ្នកនាង លីញលីញ យូអ៊ីន នីតា ណារ៉ា ព្រមទាំងតារាសម្ដែងប្រុសស្រីជាច្រើនរូបទៀត។ ត្រៀមនឹងដាក់បញ្ចាំងគ្រប់រោងភាពយន្តទំនើបៗ នៅរាជធានីភ្នំពេញ និងខេត្តចាប់ពីថ្ងៃទី ១៩ ខែ កក្កដា ឆ្នាំ ២០១៨នេះហើយ៕