- 2018-07-20 09:50:00
- ភាពយន្ត
តួឯកស្រី "បោកចំបាប់" និយាយទាំងទឹកភ្នែកខ្លោចចិត្តអាណិតឪពុកមិនអាចមកមើលរឿងនិយាយពីគាត់បាន
- 2018-07-20 09:50:00
- ចំនួនមតិ 0 | ចំនួនចែករំលែក 0
តួឯកស្រី "បោកចំបាប់" និយាយទាំងទឹកភ្នែកខ្លោចចិត្តអាណិតឪពុកមិនអាចមកមើលរឿងនិយាយពីគាត់បាន
ចន្លោះមិនឃើញ
ភាពយន្តរឿង «បោកចំបាប់ ក្ដីសង្ឃឹមចុងក្រោយ» ដែលសម្ដែងដោយអតីតកីឡាការិនី ពានរង្វាន់មេដាយមាស ស៊ីហ្គេម ២០១៣ ត្រៀមពេលវេលាសម្រាប់ចេញផ្សាយ តែរឿងនឹកស្មានមិនដល់ ឪពុករបស់តួឯកស្ត្រី លោក នី នុត ដែលជាតួអង្គសំខាន់ក្នុងរឿងពិតនេះ បានស្លាប់បាត់បង់ជីវិតដោយជរាពាធ។
អ្នកនាង នី សំណាង តួឯកក្នុងរឿង «បោកចំបាប់ ក្តីសង្ឃឹមចុងក្រោយ» ប្រាប់ Sabay ឱ្យដឹងថា ខ្លួនពិតជាមានការសោកស្ដាយដែលលោកឪពុកបានស្លាប់ចែកឋានដោយមិនទាន់ទស្សនាភាពយន្តដែលផលិតឡើងដើម្បីបង្ហាញពីវីរភាព និងការតាំងចិត្តជាង ៥០ ឆ្នាំដើម្បីឱ្យគ្រួសារកីឡាចំបាប់នេះទទួលបានមេដាយជូនជាតិ។
រម្លឹកឡើងវិញពីការចាប់ផ្ដើមនៃការផលិតភាពយន្តនេះ អ្នកនាង នី សំណាង ទទួលបានពានរង្វាន់មេដាយមាស ១ ក្នុង SeaGame ឆ្នាំ ២០១៣ ដែលជាកិត្តិយសសម្រាប់គ្រួសារ និងប្រទេសជាតិម្ដងរួចមកហើយ បន្តមកក្នុងឆ្នាំ២០១៤ អ្នកនាងក៏ទទួលបានមេដាយសំរឹទ្ធមួយទៀតលើវិញ្ញាសា បោកចំបាប់ មួយទៀត។ ព័ត៌មាននៃភាពជោគជ័យនេះបណ្ដាលឱ្យ អ្នកនាងទទួលបានការកត់ចំណាំពី ឯកឧត្តម វ៉ាត់ ចំរើន ហើយបន្តដំណឹងនេះជូនដល់ផលិតករភាពយន្តឥណ្ឌា លោក Manish Sharma ដើម្បីផលិតរឿងមួយនេះ។
រៀបរាប់បន្តរឿងនេះ អ្នកនាង ពោលថា៖ « មិននឹកស្មាន ខ្លួនមានឱកាសបង្ហាញទេពកោសល្យ និងសាច់រឿងពិតបែបនេះទេជាពិសេសឪពុកនាង ពេលបានទទួលដំណឹងមានគេចង់យករឿងពិតមកថតគាត់មិនជឿទេ ទាល់តែបានជួបជាមួយផលិតករផ្ទាល់ ហើយឃើញគេថតរឿងមែន ទើបគាត់ជឿថាគេថតរឿងនិយាយអំពីជីវិតពិតរបស់គាត់មែន»។ អ្នក នាង នី សំណាង និយាយទាំងទឹកភ្នែក ក្នុងបទសម្ភាសជាមួយ Sabay។
ជាចុងក្រោយ ទឹកចិត្តអ្នកកីឡា និងតារាសម្ដែង ក៏បានលើកទឹកចិត្តដល់អ្នកគ្រប់គ្នាថាសូមចូរហាត់កីឡា និងផ្ដល់ឱកាសគាំទ្រភាពយន្តខ្មែរដែលនិយាយពីកីឡា។ ដើម្បីជួយផ្សព្វផ្សាយកីឡាជាតិ ពិសេសកីឡា បោកចំបាប់ ដែលមិនសូវមានការគាំទ្រច្រើន។
ទស្សនាបទសម្ភាសទាំងស្រុងរបស់អ្នកនាង នី សំណាង ខាងក្រោម៖
