- 2018-08-30 02:07:18
- ភាពយន្ត
ទំនេរមិនទាន់ James Ji វិលមកសម្ដែងរឿងថ្មីជាមួយ Ice លើកនេះដឹងតែប្លែកទៀតហើយ
- 2018-08-30 02:07:18
- ចំនួនមតិ 0 | ចំនួនចែករំលែក 0
ទំនេរមិនទាន់ James Ji វិលមកសម្ដែងរឿងថ្មីជាមួយ Ice លើកនេះដឹងតែប្លែកទៀតហើយ
ចន្លោះមិនឃើញ
ភាពយន្តភាគមានចំណងជើងថា "Game Sanaeha" ទើបតែបញ្ចាំងចប់មិនបានប៉ុន្មានផង តារាសម្ដែង James Jirayu ក៏ត្រូវប៉ាន់រឿងថ្មីជាមួយស្រីស្អាត Ice Preechaya ថតរឿងភាគថ្មីមានចំណងជើងថា "Payakorn Sorn Ruk”។
កាលពីថ្ងៃ ២៨ ខែសីហា តារាប្រុសស្រីទាំង ២បានមកថតរូបសម្រាប់រឿងថ្មីជាមួយគ្នារួចរាល់អស់ហើយ។ ដោយឡែករឿងនេះ នឹងត្រូវមានការដឹកនាំផលិតដោយ ផលិតកម្ម Tanad Lakorn ស្ថិតក្រោមទូរទស្សន៍ប៉ុស្តិ៍លេខ ៣ថៃ។
ក្នុងរឿងភាគនេះ James នឹងសម្ដែងជាតួ Theeruth តារាល្បីឈ្មោះប្រចាំប្រទេសថៃ ហើយចំណែក Ice វិញត្រូវដើរតួជាគ្រូទាយជោគវាសនាមានឈ្មោះ Rosita។
"Payakorn Sorn Ruk” នឹងក្លាយជាស្នាដៃដំបូងរបស់ តារាប្រុសស្រីទាំង ២នេះ ក្រោយពី Ice បានចាកចេញពីក្រុមហ៊ុន GDH 559 និងមកចុះកុងត្រាជាមួយប៉ុស្តិ៍លេខ ៣វិញ៕