- 2018-12-12 02:41:16
- ភាពយន្ត
រន្ធត់ពេកផលិតករហាមមិនឲ្យអ្នកខ្សោយបេះដូង ទៅមើលរឿង"ព្រាយ"
- 2018-12-12 02:41:16
- ចំនួនមតិ 0 | ចំនួនចែករំលែក 0
រន្ធត់ពេកផលិតករហាមមិនឲ្យអ្នកខ្សោយបេះដូង ទៅមើលរឿង"ព្រាយ"
ចន្លោះមិនឃើញ
ល្ងាចមិញនេះផលិតកម្មបាដិហារ្យភាពយន្ត បានធ្វើពិធីសម្ពោធខ្សែភាពយន្តខ្នាតរបស់ខ្លួនរឿង"ព្រាយ" នៅរោងភាពយន្ត Legend អេដិនហ្គាដេន ក្រោមវត្តមានតារាល្បីៗស្រីប្រុសចូលរួមយ៉ាងច្រើនកុះករទៀតផង។
ថ្លែងក្នុងពិធីសម្ពោធរឿងខាងលើលោក ស៊ុម សុភារិន ចាងហ្វាងផលិតកម្មបាដិហារ្យភាពយន្ត និងជាអ្នកដឹកនាំសម្ដែងបានឲ្យដឹងថា ដោយសារតែរឿង "ព្រាយ" មានឈុតឆាកមួយចំនួនរន្ធត់ខ្លាំងពេក។ ដូច្នេះលោក ហាមប្រាមមិនឲ្យអ្នកកើតជំងឺខ្សោយបេះដូងទៅទស្សនាភាពយន្តខ្នាតធំមួយនេះទេ ព្រោះខ្លាចគាំងបេះដូងខណៈពេលទស្សនា។
លោកថា៖"យើងពិសោធន៍រួចហើយជាមួយទស្សនិកជនមួយចំនួនដែលគាត់មកមើលជាលក្ខណៈ VIP ពេលគាត់មកមើលគាត់ភ័យហើយរន្ធត់អត់ហ៊ានមើល។ ដូច្នេះខ្ញុំសូមដាស់តឿនដល់ភ្ញៀវឲ្យគាត់មកមើលពីរនាក់កុំមកម្នាក់ឯងព្រោះរឿងនេះរន្ធត់ណាស់"។
ក្រៅពីលោកជាចាងហ្វាងផលិតកម្មហាមប្រាមមិនឲ្យអ្នកខ្សោយបេះដូងទៅទស្សនារឿង"ព្រាយ" ហើយនោះសូម្បីតែខាងនាយកដ្ឋានភាពយន្តក៏បានចេញបម្រាមមិនឲ្យក្មេងក្រោមអាយុ១៥ឆ្នាំទៅទស្សនាភាពមួយនេះដែរ។
"ព្រាយ" ជាប្រភេទរឿងបែបភ័យរន្ធត់ និងចំណាយដើមទុនអស់៤ម៉ឺនដុល្លារអាមេរិកក្នុងការផលិតនោះគ្រោងនឹងដាក់បញ្ចាំងនៅថ្ងៃទី១៣ ខែធ្នូ ឆ្នាំ២០១៨ ខាងមុខនេះហើយនៅគ្រប់រោងភាពយន្តទំនើបៗក្នុងរាជធានីភ្នំពេញ និង ខេត្តសៀមរាប។ រឿងនេះមានការចូលរួមសម្ដែងពី នាយ គ្រឿន សួង ស៊ីធឿន ហេង ស្រីពេជ្រ និងតារាសម្ដែងប្រុសស្រីល្បីឈ្មោះជាច្រើនរូបទៀត៕